Yobu 1:21 - Baibuli Ekibono kya Katonda 2014

²¹ Yaakoba ati: “Mu nda ya maama navaamu nga ndi bwereere, era ndifa nga ndi bwereere. Musengwa Katonda n'eyampa ebyo, era Musengwa Katonda oyo n'atoiregho kale asaakibwe.”

Yobu 1:21 ပူးပေါင်းရင်းမြစ်များ

Amainhama 3:19

Oidha kufaabiikananga era ogezimulenga, memale ofunenga eky'okulya, okutuusa lw'oliirayo mu itaka mwe wakolebwa. Mu itaka mwe wava, era mu itaka mw'oliira.”

Amainhama 30:2

Yakobo yaasungughalira Rakeli, yaakoba ati: “Ninze Katonda eyakwima okuzaala.”

Amainhama 45:5

Aye mutanakughala, waire okwesungughalira olw'okuba mwantunda eno, kuba Katonda n'eyansindika okubakulemberamu olw'okuwonia obulamu bw'abantu.

2 Samueli 16:12

Oba katyo Musengwa Katonda anaalingirira okudaagadaaga kwange, yansasulamu ebirungi mu kuvumibwa kwange kuno olwaleero luno.”

1 Bakyabazinga 12:15

Kale atyo kyabazinga yaaloba kuwulirisa bantu. Musengwa Katonda n'eyaleetera ebintu okuja bityo, olwo atuukirize kye yakoba Yeroboamu mutabane wa Nebati ng'abita mu Ahiya ow'e Shilo.

2 Bakyabazinga 20:19

Agho Hezekia yaakoba Isaia ati: “Musengwa Katonda by'ayogeire birungi.” Hezekia yakoba atyo, kuba yalowooza mule ati: “Bisobola bitya obutaba birungi, ng'ate ghaja kubaagho miraala na butebenkevu mu biseera byange?”

Nehemia 9:5

Agho Abalevi bano: Yeshua, Kadimieli, Bani, Hashabuneia, Hodia, Shebania, ni Pethahia, baakoba abantu bati: “Mwemerere musaake Musengwa Katonda waimwe; mumusaakenga ebyanda n'ebyanda. Eriina lye ery'ekitiisa lisaakibwenga, eriswikiriire okusaaka okw'abantu kwonakwona.”

Yobu 1:11

Aye mpegaano golola omukono gwo omutooleku byonabyona by'ali nabyo, aja ku kuvuma ng'obona n'okubona.”

Yobu 2:10

Aye Yobu yaamukoba ati: “Oli kwogera ng'oti n'abakazi abasirusiru bwe boogera. Obwo, tunaasanhukiranga birungi byonka Katonda by'atugha, twaloba kusanhukira bitunhiga by'atugha?” Mu ebyo byonabyona ebyagwagho Yobu tiyayogera bubi ku Katonda.

Yobu 9:12

Bw'atwala ekintu kyonakyona ky'ayenda, naani asobola okumulobera? Naani akana okumubuuza ati, ‘Oli kukola ki ekyo?’

Zabbuli 34:1

Ndidha kusiimanga Musengwa Katonda ebiseera byonabyona, tija kulekera kumusaakanga.

Zabbuli 34:2

Nze neenhumiriza mu Musengwa Katonda, imwe abadaazibwadaazibwa muwulire era musangaale.

Zabbuli 39:9

Ka nsirike, tiidha kwogera kibono kyonakyona, kuba okudaagadaaga kwange kuva y'oli.

Zabbuli 49:17

kuba bw'alifa ghazira ky'aja kuja nakyo, oba ebitiibwa bye okumunonereza mu magombe.

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Omulangirizi 5:14

aye eby'obukombe ebyo yaabifiirwa bubi inho, yaaloba kusigazaagho kantu ate ng'aliku abaana.

Omulangirizi 5:15

Nga bwe yava mu nda ya inhina ng'ali bwereere, era atyo bw'aja okuva ku nsi. Ghazira ky'alitwala ku ebyo bye yafaabiikanira.

Omulangirizi 5:19

Katonda n'agha omuntu obukombe obw'okuba n'ebintu, era yaamugha n'okweyagalira mu bintu ebyo, ng'omugabo gwe Katonda oyo gwe yamutegekera oguva mu kufaabiikana kwe. Ekyo kiba kirabo ekiva eri Katonda.

Isaia 24:15

Abo abaliba ku luuyi olw'e buvandhuba boona balimusaaka; n'abo abaliba mu biketezo eby'oku nhandha baamusaaka, oyo Musengwa Katonda, Katonda wa Isiraeli.

Isaia 42:24

Naani eyaghaayo Abaisiraeli okunhagibwa? Naani eyalekulira baidhukulu ba Yakobo abo mu ngalo dh'abanhazi? Ti ni Musengwa Katonda mwene, ye twasungughaza nga tukola ebibi, ni tuloba okukola by'ayenda, era ni tudheemera amateeka ge?

Isaia 45:7

Ninze ndeetagho obutangaavu era ninze ndeetagho n'enzikiiza; ninze ndeetagho enkabi era ninze ndeetagho n'akabi. Nze Musengwa Katonda, ninze nkola ebyo byonabyona.

Okulira 3:38

Ghaligho ekirungi oba ekibi ekigwagho ng'oyo Ali Ghaigulu Yeene ti n'akiragiire?

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?

Matayo 20:15

Ghaligho ekindobera okukozesa ebyange nga bwe nhenda? Oba, nze okuba omulungi n'okuuninga ekimodi?’

Ebikolwa by'Abatume 4:28

Baakola, ebyo bye watereeza mu maani go n'amagezi go nga biri n'okubaagho.

Ab'Efeso 5:20

Buliidho mweyanzenga Katonda Iseife olwa byonabyona, nga mubita mu Musengwa waife Yesu Kurisito.

1 Ab'e Thessalonika 5:18

era mu byonabyona mweyanzenga. Kuba ekyo Katonda ky'abendaku mu bulamu bwaimwe mu Kurisito Yesu.

1 Timotheo 6:7

Kuba mu nsi muno twaidhamu bakaya, era tulivaamu bakaya.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

Yakobo 5:11

Abantu abo abaaguminkiriza tubeeta ba nkabi. Imwe mwawulira obuguminkiriza bwa Yobu era mwabona ni Musengwa bye yamukolera ku nkomerero, kuba Musengwa wa kisa era musaasizi.

Ruthi 1:21

Kuba nava kuno nga ndi n'ebyange kamaala aye ndhize makaya. Kale agho nga lwaki mundheta Naomi, ng'ate Musengwa Katonda Aghanga Ebintu Byonabyona aneefuukiire yandeetera okudaagadaaga kuno.”

1 Samueli 2:7

Musengwa Katonda ayavughaza omuntu era yaamukombaghaza; aisa omuntu ghansi era yaamugulumiza.

1 Samueli 2:8

Abbeeda abaavu yaabatoola mu nkungu, yaasitula abali mu bwetaavu yaabatoola mu ivu, yaabatyamya ghalala n'abakungu, yaabata mu bifo eby'ebitiibwa; kuba empango edh'ensi dha Musengwa Katonda, era ku mpango edho kwe yata ensi.

1 Samueli 3:18

Kale Samueli yaamukobera byonabyona nga ghazira ky'amugisiisa naire. Eli yaakoba ati: “Oyo ni Musengwa Katonda, k'akole mwene ky'abona nga n'ekirungi.”