Yobu 1:20 - Baibuli Ekibono kya Katonda 2014

²⁰ Agho Yobu yaasituka, yaakanulamu ekivaalo kye era yaamwa omutwe gwe olw'okunakughala, yaakutama n'ekyeni kyatuuka ku itaka, yaasinza Katonda.

Yobu 1:20 ပူးပေါင်းရင်းမြစ်များ

Amainhama 37:29

Reubeni bweyairayo ku kiina n'ayagaana nga Yosefu aziramu, yaakanulamu ebivaalo bye olw'okunakughala.

Amainhama 37:34

Yakobo yaakanulamu ebivaalo bye olw'okunakughala, yeesiba ekikaakaati, yaamala enaku kamaala ng'alira omwana we.

2 Bakyabazinga 2:12

Elisha yaakibona, era yaaleekaana ati: “Lata wange, lata wange! Iwe ow'amaani ng'oti n'ebigaali eby'omu lutalo n'embalaasi ebirwanirira Isiraeli!” Yaalekera agho okumubona. Agho Elisha oyo yaagema ebivaalo ebibye, yaabikanulamu ghabiri olw'okunakughala.

2 Ebyomubyanda 7:3

Abaisiraeli boonaboona bwe baabona omuliro n'okumesunkana okw'ekitiisa kya Musengwa Katonda nga biri kwika ku isinzizo, baakuba amakiryaivu ku mabaale amataanhe era baakutama n'ebyeni byatuuka ku itaka. Era baasinza Katonda nga bamwebaza, nga bakoba bati: “Musengwa Katonda mulungi okugonza kwe tikukoma, kubaagho byanda na byanda.”

Ezera 9:3

Bwe nawulira ekyo naakanulamu ebivaalo byange olw'okunakughala, neemaanhuula enviiri ku mutwe ni ku kirevu, era naatyama ghansi nga nsobeirwa inho mu nnaku.

Yobu 1:19

kiwunga ow'amaani yaava mu irungu yaakuba ensonda eina edh'endhu, endhu yaabagwaku era bafiire; era nze zenka ninze mponiegho okwidha okukukobera.”

Yobu 2:12

Bwe baamulengera, tibaamutegeereragho. Aye bwe baamutegeera, baawowoola era baalira amaziga. Baakanula ebivaalo byaibwe olw'okunakughala, beeyugha enkungu mu mitwe, nga bwe bagimansa ghaigulu.

Okuvaayo 4:31

Agho abakulu ab'ebikunsu abo baikiriza, era bwe baawulira nga Musengwa Katonda bweyabalumirwa ng'aboine okudaazibwadaazibwa kwaibwe, baakuba amakiryaivu baamusinza.

Yeremia 7:29

“Imwe abantu b'e Yerusalemu, musaleku enviiri dhaimwe mudhisuule ere; mulirire eyo ku nsozi edhiziraku kantu, kuba nze Musengwa Katonda nsungughaire era ndekuliire agho abantu bange.

Yoeli 2:13

Mutakanulamu bivaalo byaimwe okwoleka nga bwe munakughaire, aye mwemenhe mu myoyo gyaimwe, ekyo n'ekibe kyoleke okwenenia kwaimwe.” Kale ni mwire ye Musengwa Katonda waimwe, kuba wa kivunika era asaasira inho. Agonza inho abantu obutalekera era yaabaguminkiriza. Buliidho aba mwetegefu okukyusa ebirowoozo bye, yaaloba kubabonereza.

Matayo 26:39

Yeeyongerayooku katono, yaakuba amakiryaivu yaasaba ng'akoba ati: “Lata oba kisoboka mponia ekikopo kino, ti nga nze bwe nhenda, aye nga iwe bw'oyenda.”

Amateeka Agokubiri 9:18

Neeyala ku itaka nga neefundiike mu maiso ga Musengwa Katonda, nga bwe nali mmaze okukola mu kusooka. Naamala enaku amakumi ana, omusana n'obwire, nga tirya mere waire okunhwa amaadhi. Kuba mwali nga mukoze ekibi mwasungughaza Musengwa Katonda.

Yoshua 7:6

Agho Yoshua n'abakulu ab'ebikunsu mu Isiraeli baayuza ebivaalo byaibwe, beeyala wa mberi gh'Esanduuku y'Endagaano ya Musengwa Katonda, era beeyugha enkungu mu mitwe, baaba agho okutuusa eigulo. Ebyo byonabyona baabikola olw'okunakughala.

1 Petero 5:6

Kale ni mwewooye ghansi gh'omukono gwa Katonda ogw'amaani, olwo alibafuula okuba aba ghaigulu mu kiseera kye ekituufu.