Yobu 1:11 - Baibuli Ekibono kya Katonda 2014

¹¹ Aye mpegaano golola omukono gwo omutooleku byonabyona by'ali nabyo, aja ku kuvuma ng'obona n'okubona.”

Yobu 1:11 ပူးပေါင်းရင်းမြစ်များ

Amainhama 26:11

Kale Abimeleki yaasikirira abantu boonaboona ati: “Kiisi agema ku musaadha ono, oba ku mukazi we, wa kwitibwa.”

Yobu 1:12

Musengwa Katonda yaakoba Sitaani ati: “Kale, byonabyona by'ali nabyo biri mu buyinza bwo. Aye mwene otamukolaku kabi.” Agho Sitaani yaava mu maiso ga Musengwa Katonda.

Yobu 1:21

Yaakoba ati: “Mu nda ya maama navaamu nga ndi bwereere, era ndifa nga ndi bwereere. Musengwa Katonda n'eyampa ebyo, era Musengwa Katonda oyo n'atoiregho kale asaakibwe.”

Yobu 1:5

Enaku edh'embaga dhaibwe bwe dhaawangaku, Yobu yaabeetanga okubatukuza. Yaawuunanga mu nkyo, yaagheerayo buli muntu ekigheebwayo ekyokebwa. Kuba Yobu yakobanga mule ati: “Tomanha baana bange bwe baba nga baliku ekibi kye bakoze, ni bavuma Katonda mu myoyo gyaibwe.” Atyo Yobu bwe yakolanga buliidho.

Yobu 19:21

Munsaasire, munsaasire imwe bakagwa bange, kuba Katonda ankubye.

Yobu 2:3

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi. Era akaagumiire ku bwesigwa bwe, waire nga iwe wagezaaku okundhikirizisa mmuzikirize eby'obwereere.”

Yobu 2:5

Aye mpegaano golola omukono gwo ogeme ku mubiri gwe, aja kukuvuma ng'obona n'okubona.”

Yobu 2:6

Musengwa Katonda yaakoba Sitaani ati: “Kale, wuuyo ali mu buyinza bwo. Aye mulekere obulamu.”

Yobu 2:7

Agho Sitaani yaava mu maiso ga Musengwa Katonda, yaaja, yaaleetera omubiri gwa Yobu okumwaguka amabwa amabi einho, okuva ku mutwe okutuuka ku bigere.

Yobu 2:9

Agho mukazi we yaamukoba ati: “Era okaagumiire ku bwesigwa bwo? Vuma Katonda, ofe.”

Yobu 4:5

Aye buti bwe kituuse ku iwe, waawaamu obuguminkiriza era kikutenhiiza weeraliikirira.

Zabbuli 105:15

ng'abakoba ati: “Ghatabaagho agema ku bantu bange be nasiiga omuzigo; abalanzi bange mutabakola kibi kyonakyona.”

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Isaia 65:3

Bansoononkereza ekiseera kyonakyona nga bagheera emisengo mu nimiro dhe baasengamu emisambwa, era nga baniokeza obubbaani mu bifo ebigulumivu eby'okusinzizaamu.

Isaia 8:21

Era baidha kuyengeeteranga mu nsi nga beeraliikirivu inho, era nga balumwa endhala. Ng'endhala eri kubaluma, baidha kwesinwanga bakolime kyabazinga waibwe ni Katonda waibwe. Ni bwebaliringa ghaigulu batya,

Zekaria 2:8

Buli agema ku imwe aba asiinhie ku mboni ya liiso lyange.” Musengwa Katonda Afuga Amagye ow'ekitiisa, yantuma nje y'amaghanga agaanhagulula abantu be, ngakobe nti:

Okwolekebwa 12:10

Agho naawulira mu igulu amamiro ag'amaani nga gakoba gati: “Mperaano obulokozi bwa Katonda butuuse! Katonda alaze amaani ag'Obwakyabazinga bwe, n'obuyinza bwa Kurisito we. Kuba oyo alumiriza baganda baife omusana n'obwire mu maiso ga Katonda, abingiibwa mu igulu.

Okwolekebwa 16:11

baavuma Katonda ow'eigulu olw'okubaleetera obulumi n'amabwa era baaloba kwenenia ebyo bye baakolanga.

Okwolekebwa 16:21

Amabaale ag'omugozi amakologho, nga buli ibaale lizitogha kilo ng'oti makumi ataanu (50), gaava mu igulu gaamagala ku bantu. Abantu baavuma Katonda olw'ekibamba eky'omugozi, kuba kyali kibamba kya ntiisa inho.

Okwolekebwa 16:9

Abantu baayokebwa n'omuliro ogw'amaani einho, baavuma eriina lya Katonda ali n'obuyinza ku bibamba ebyo, era baaloba kwenenia na kumusaaka.