Yoanne 9:39 - Baibuli Ekibono kya Katonda 2014

³⁹ Era Yesu yaakoba ati: “Ekyandeeta mu nsi n'okusala omusango, abatulu babone ate ababona bafuuke batulu.”

Yoanne 9:39 ပူးပေါင်းရင်းမြစ်များ

Isaia 29:10

Musengwa Katonda abaleeteire okuwongera ng'oti n'abaja okutenduka endoolo enhingi einho. Imwe abalanzi, amaze okubaziba amaiso. N'imwe ababoni ababonekerwa, emitwe gyaimwe amaze okugighembaku.

Isaia 44:18

Abantu abo bazira kye baidhi era bazira kye balowooza kikalamu. Baaziba amaiso gaibwe n'emyoyo gyaibwe, baaloba kubona waire okutegeera.

Isaia 6:9

Yankoba ati: “Ja okobe abantu abo oti, ‘Okuwulira muliwulira, aye timuja kutegeera naire, n'okubona mulibona, aye timuja kwekalirisa naire.’ ”

Ezekieli 12:2

“Iwe omuntu, oli mu bantu abadheemu, abali n'amaiso aye nga tibabona era abali n'amatu aye nga tibawulira, olw'okuba badheemu.

Matayo 11:5

Abatulu babona, abalema batambula, abali n'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi.

Matayo 15:14

Mubaleke abo abatulu abakulemberamu batulu banaibwe ate nga omutulu bw'akulemberamu mutulu mwine, bombi bagwa mu kiina.”

Matayo 6:23

Aye eriiso lyo bweriba eibi, omubiri gwo gwonagwona guba mu nzikiiza. Kale ni oba nga obutangaavu obuli mu iwe bufuuse nzikiiza, memale olwo enzikiiza yeene enaayaga gha?

Luka 1:79

Okwakira abo abatyaime mu nzikiiza ni mu kinsense eky'olumbe, n'okutereeza ebigere byaife mu ngira ey'eidembe.”

Luka 13:30

Ate bona, ghaligho ab'ensembo abaliba ababeri, era ghaabaagho ababeri abaliba ab'ensembo.”

Luka 2:34

Simeoni yaabasabira enkabi, ate yaakoba Maria inhina ati: “Ono omwana ateereibwagho olw'okuzikirira n'okuzuukira okw'abangi mu Isiraeli, era abe akamanhiso ak'okutakania.

Luka 4:18

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,

Luka 7:21

Mu kiseera kyene ekyo, Yesu yaawonia abantu kamaala endwaire, ni kawumpuli, n'emizimu emibi, n'abatulu kamaala yaabagha okubona.

Yoanne 12:31

Kino n'ekiseera okusalira ensi omusango, mperaano abaire afuga ensi eno aja kubingibwa.

Yoanne 12:46

Nze naidha mu nsi ng'ekimuliikirira, kiisi andhikiriza alobe kusigala mu nzikiiza.

Yoanne 3:17

Katonda tiyatuma Mwana we mu nsi kusalira bantu musango, aye abantu babite mu oyo okulokolwa.

Yoanne 3:19

Guno n'omusango: Ekimuliikirira kyaidha mu nsi, aye abantu baagonza enzikiiza mu kifo ky'okugonza ekimuliikirira olw'okuba ebikolwa byaibwe bibi.

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

Yoanne 8:15

Musala emisango mu magezi ag'obuntu gonka. Nze ghazira ye nsalira musango.

Yoanne 9:25

Omusaadha yaabairamu ati: “Oba mukozi wa bibi nze tiidhi. Ekintu kirala kye ndidhi, nti nali mutulu aye mperaano mbona.”

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

2 Ab'e Korintho 2:16

Eri abo ab'okuzikirira tuli kivundu ekiita, aye eri abo ab'okulokolebwa tuli kawoowo akaleeta obulamu. Kale naani asobola omulimo oti ni guno?

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

2 Ab'e Thessalonika 2:10

Alikozesa obuguya bwa Sitaani obwa buli nsambo ku abo ab'okuzikirira, kuba baaloba okusangaalira n'okugonza amazima balokolebwe.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

1 Yoanne 2:11

Aye oyo akyagha muganda we aba mu nzikiiza era atambulira mu nzikiiza, era tamanha y'alaga; kuba enzikiiza eba emuzibye amaiso.