Yoanne 9:30 - Baibuli Ekibono kya Katonda 2014

³⁰ Omusaadha yaabakoba ati: “E! Kino kinene! Timwidhi y'ava ate nga yanzibwire amaiso!

Yoanne 9:30 ပူးပေါင်းရင်းမြစ်များ

Zabbuli 119:18

Nzibula amaiso, nsobole okubona endhegeresa eyewuunhisa eri mu mateeka go.

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Isaia 29:18

Ku lunaku olwo, abaasemba amatu baliwulira ng'ekitabo kiri kusomwa, n'amaiso g'abatulu ababaire mu nzikiiza etiisa einho, galimoga gaabona.

Isaia 35:5

Olwo amaiso g'abatulu galizibuka, n'amatu g'abasigha gairamu okuwulira.

Matayo 11:5

Abatulu babona, abalema batambula, abali n'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi.

Matayo 21:42

Agho Yesu yaabakoba ati: “Timusomangaku kino ekyaghandiikibwa kiti, ‘Eibaale abazimbi lye baaloba bati lizira mugaso, n'eryafuuka empango ey'omusingi mu nsonda. Ekyo Musengwa n'eyakikola, era okukibona tukyewuunhia.’

Mariko 6:6

Era yeewuunhia inho obutaikiriza bwaibwe. Yaabitabita mu byalo ebiriinaine agho ng'ayegeresa.

Luka 7:22

Agho yaabairamu yaabakoba ati: “Muje mukobere Yoanne bye muboine ni bye muwuliire: abatulu bairamu kubona, abalema batambula, ab'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi

Yoanne 12:37

Waire yali akoze obumanhiso kamaala nga babona, tibaamwikiriza.

Yoanne 3:10

Yesu yaamwiramu ati: “Waaba mwegeresa mukulu mu Isiraeli waaloba kumanha ekyo?

Yoanne 9:29

Twidhi nga Katonda yayogera ni Musa aye oyo omusaadha titwidhi y'ava.”

Yoanne 9:31

Twidhi tuti Katonda tawulira bakozi ba bibi, aye awulira oyo amutaamu ekinhagansi era akola by'ayenda.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.