Yoanne 9:22 - Baibuli Ekibono kya Katonda 2014

²² Baayogera batyo lwa kutya Abayudaaya, kuba Abayudaaya baali bamaze okusalagho bati omuntu yeenayeena ayatula ati Yesu ni Kurisito wa kubingibwa mu sinagoga.

Yoanne 9:22 ပူးပေါင်းရင်းမြစ်များ

Ensambo 29:25

Omuntu ali n'okutya aba mu kabi, aye ole eyeesiga Musengwa Katonda, Katonda oyo amuwonia ebizibu.

Isaia 51:12

Musengwa Katonda era akoba ati: Nze mwene, ninze mbagumya mu bizibu, kale lwaki mutya abantu obuntu, abalifa ni bawaagho ng'oti isubi?

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Isaia 57:11

Musengwa Katonda akoba ati: “Bwenebwene bakatonda ki abo be mutya einho mutyo, ni mutuuka n'okuunimba nze era ni muneerabirira irala? Obwo mulekeire agho okuntya, lwa kuba nasirika busirike okumala ekiseera ekinene kityo?

Luka 6:22

“Muli ba nkabi abantu bwe banaabakyaghanga, bwe banaabeeyawulangaku, bwe banaabavumanga, bwe baneenhinhalanga eriina lyaimwe bati ibi, nga babalanga Omwana ow'Omuntu.

Yoanne 1:19

Yoanne ati bwe yakakasa Abayudaaya, bwe baatuma Bakabona n'Abalevi okuva e Yerusalemu okumubuuza bati: “Niiwe ani?”

Yoanne 16:2

Balibabinga mu sinagoga. Ate ekiseera kirituuka oyo abaita lw'alirowooza ati okukola ekyo aba ali kukola mulimo gwa Katonda.

Yoanne 19:38

Ebyo bwe byawa, Yosefu ow'Arimathea, eyali omwegeresebwa wa Yesu ow'omu ngiso, olw'okuba yali atya Abayudaaya, yaaja yaasaba Pilato amuganhe okutoolagho omulambo gwa Yesu, era Pilato yaamuganha. Kale yaaja okugutoolagho.

Yoanne 20:19

Eigulo ly'olunaku lwene olwo, olwiririra Sabbato, endhigi dhaali nga nsibe Abeegeresebwa ghe baali beesololeiza kuba baali bali kutya Abayudaaya. Yesu yaidha yaabeemereramu ghagati yaabakoba ati: “Emiraala gibe n'imwe.”

Yoanne 7:13

Aye nga ghazira amwogeraku mu lwatu olw'okutya Abayudaaya.

Yoanne 9:18

Aye Abayudaaya baali tibali kwikiriza ng'omusaadha oyo yali mutulu aye buti yaaba ng'abona, okutuusa bwe baayetesa abazaire be.

Yoanne 9:21

Aye kye tutaidhi n'okuba nga mperaano abona, era titwidhi eyamuzibwire maiso. Aye mumubuuze mwene, ti mwana muto aghanga mwene okweyogerera.”

Yoanne 9:34

Agho baamukoba bati: “Wazaalirwa mu bibi era mw'okuliire, obwo weena waatwegeresa?” Baamubingira ku luya.

Yoanne 9:35

Yesu yaawulira nga bamubinze. Bwe yamubona yaamukoba ati: “Oikiriza Omwana ow'Omuntu?”

Ebikolwa by'Abatume 4:18

Agho baabeeta, baabakoba obutairayo kwogera oba okwegeresa mu liina lya Yesu.

Ebikolwa by'Abatume 5:13

Waire ng'abantu boonaboona baali babaisaamu ekitiisa, ng'ezira akana kubeeyimbaku.

Ebikolwa by'Abatume 5:40

Baayeta Abatume, baabakuba, baabasikirira obutairayo kwogera ku Yesu, baabalekula.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”