Yoanne 9:16 - Baibuli Ekibono kya Katonda 2014

¹⁶ Abafarisaayo abandi baakoba bati: “Omusaadha oyo ti wa Katonda, kuba tagondera mateeka ga Sabbato.” Aye abandi baakoba bati: “Omuntu omukozi ow'ebibi aghanga atya okukola ebyewuunhio oti ni bino?”

Yoanne 9:16 ပူးပေါင်းရင်းမြစ်များ

Matayo 12:10

Mwalimu omuntu eyali n'omukono ogwaniala. Agho baamubuuza oba nga kiikirizibwa okuwonia ku Sabbato nga benda bamuseeghe.

Matayo 12:2

Aye Abafarisaayo olwakibona baamukoba bati: “Bona, Abeegeresebwa bo bali kukola ekitaikirizibwa kukola ku Sabbato.”

Luka 13:14

Olw'okuba Yesu yamuwonia ku Sabbato, omukulu wa sinagoga, yaasungughala era yakoba ekikunsu eky'abantu ati: “Ghaligho enaku mukaaga emirimo kwe giteekwa okukolerwa, mwidhenga ku nnaku edho muwonezebwe, aye ti ku lwa Sabbato.”

Yoanne 10:19

Kabiri ghaabaagho obutaisania mu Bayudaaya olw'ebibono ebyo.

Yoanne 14:11

Mwikirize kye mbakoba nti: nze mba mu Lata era ni Lata yaaba mu nze. Oba ng'ekyo tikimala mwikirize olw'ebyo bye nkola.

Yoanne 15:24

Nguli tyakola byewuunhio nga babona, omuntu owundi by'atakolangaku, nguli bazira kibi. Aye mperaano baabibona, era baatukyagha twembi nze ni Lata wange.

Yoanne 2:11

Yesu yakolera ekyewuunhio kino ekisooka e Kana mu Galilaaya. Atyo yaayoleka ekitiisa kye era Abeegeresebwa be baamwikiriza.

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 5:10

Abayudaaya baakoba omusaadha eyali yaakawonezebwa bati: “Olwaleero lwa Sabbato era amateeka tigakuganha kutambula ng'ositwire endiri yo.”

Yoanne 5:36

“Aye nze ndi n'obudhulizi obusinga n'obwa Yoanne bw'agha kuba ebintu bye nkola, Lata n'eyabimpa okubikola era bindhulira nga Lata n'eyantuma.

Yoanne 6:52

Abayudaaya baatakana beene na beene nga bakoba bati: “Ono omusaadha aghanga atya okutugha omubiri gwe ife okugulya?”

Yoanne 7:12

Ghaabaagho okuduuduuma kungi mu biyindi eby'abantu nga bamwogeraku. Abandi nga bakoba bati: “Musaadha mukalamu.” Ate abandi bati: “Busa, akiidhamya bwa bantu.”

Yoanne 7:23

Oba nga omuntu aghanga okukeketebwa ku lwa Sabbato obutamenha Mateeka ga Musa, lwaki nze muunhiigira olw'okuwonia omuntu ku lwa Sabbato?

Yoanne 7:43

Kale abantu beeyawulamu ku bigema ku Yesu

Yoanne 9:24

Kabiri baayeta omusaadha eyabanga omutulu baamukoba bati: “Mu ga Katonda yogera ekituufu twidhi ng'omusaadha oyo mukozi wa bibi!”

Ebikolwa by'Abatume 14:4

Abantu mu kibuga beesalamu. Abandi baaba ku luuyi olw'Abayudaaya, abandi baaba ku luuyi olw'Abatume.