Yoanne 9:1 - Baibuli Ekibono kya Katonda 2014

¹ Yesu bwe yali atambula yaabona omusaadha eyazaalibwa nga mutulu.

Yoanne 9:1 ပူးပေါင်းရင်းမြစ်များ

Isaia 35:5

Olwo amaiso g'abatulu galizibuka, n'amatu g'abasigha gairamu okuwulira.

Matayo 20:30

Ghaabaagho abatulu babiri abaali batyaime embali ku luguudo, kale olwawulira bati Yesu ali kubita agho, baayasiikana nga bakoba bati: “Musengwa, mwidhukulu wa Daudi tusaasire!”

Matayo 9:27

Olwava agho, abatulu babiri baamunonereza, bwe baasiikana nga bakoba bati: “Omwana wa Daudi tusaasire!”

Mariko 9:21

Agho Yesu yaabuuza lata we ati: “Amaze ntangama ki ng'ali ati?”

Luka 8:43

Ghaabaagho omukazi eyali alwaire ekikulukuto okumala emyaka ikumi n'ebiri, aye ghaabulagho asobola okumuwonia.

Yoanne 5:5

Ghaligho omuntu mulala eyali alwaliire emyaka amakumi asatu na munaana.

Yoanne 8:59

Agho baalonda amabaale nga benda bagamukube, aye Yesu yeegisa era yaava mu isinzizo.

Yoanne 9:2

Abeegeresebwa be baamubuuza bati: “Mwegeresa, omusaadha ono okuzaalibwa nga mutulu naani eyayona? Mwene oba bazaire be?”

Ebikolwa by'Abatume 14:8

Mu Lisitura mwalimu omusaadha eyagongobala ebigere, nga mulema okuva mu nda ya inhina era nga tatambulangaku naire. Yali ali agho ng'atyaime.

Ebikolwa by'Abatume 28:4

Abataka bwe baabona ng'omusota gulengeedhera ku mukono gwe baakoba bati: “Bwenebwene omuntu ono mwisi. Waire awonie enhandha Omusango gumunonereiza.”

Ebikolwa by'Abatume 4:22

Omusaadha eyakolerwa ekyewuunhio ekyo eky'okuwonezebwa, yali aswisiiza mu myaka amakumi ana (40) egy'obukulu.

Ebikolwa by'Abatume 9:33

Eyo yaayagaanayo omusaadha nga eriina lye ni Ayenea eyagongobala n'agogomera ku ndiri okumala emyaka munaana.