Yoanne 8:6 - Baibuli Ekibono kya Katonda 2014

⁶ Baakoba ebyo kumuleba nga benda akobe ekinaamuteesaaku omusango, aye Yesu yaakotaamirira bw'aghandiika ku itaka n'olwala lwe.

Yoanne 8:6 ပူးပေါင်းရင်းမြစ်များ

Amainhama 49:9

Yuda oli ng'oti mpologoma nto: era mwana wange oize ng'ova okuyiiga. Okutaime, waabwama ng'oti mpologoma nsaadha, oba ng'oti mpologoma nkazi. Ghazira akana kukukobaku.

Zabbuli 39:1

Nakoba nti: “Ndidha kwegenderezanga mu bye nkola, ndobe kuganha lulimi lwange kunsuula mu kibi. Omunwa gwange ndidha kugutangaku kuufulu, kasita ghanaabangagho abakozi b'ebibi.”

Ensambo 26:17

Omuntu eyengiza mu kusoola okutamugemaku, aba ng'oti n'omuntu agema ku matu g'embwa y'ataidhi.

Omulangirizi 3:7

Ekiseera eky'okukanulamu engoye olw'enaku, n'ekiseera eky'okutunga. Ekiseera eky'okusirika, n'ekiseera eky'okwogera.

Yeremia 17:13

Wo Musengwa Katonda, niiwe wenka eisuubi ly'Abaisiraeli. Ensoni dhija kubagema abo boonaboona abakuvaaku, baswale, era amaina gaibwe gaja kughandiikibwa mu nkungu olw'okukweyawulaku, ate nga iwe Musengwa Katonda oli ng'oti n'ensulo ey'amaadhi ag'obulamu.

Danieli 5:5

Baaja okulinga bati nga babona omukono ogw'omuntu oguli kughandiika ku seminti ye baakuba ku kimante eky'ekisaagaati kya kyabazinga. Omukono ogwo gwali guli kughandiika gha mberi gh'ekikondo eky'entaala, era kyabazinga yaabona bukalamu nga guli kughandiika.

Amosi 5:10

Abantu imwe, mukyagha omuntu abatakania olw'okusaliriza mu mbuga dh'amateeka. Era n'omuntu ayogera amazima abasina.

Amosi 5:13

Kale omugezi asirika busirike mu biseera oti n'ebyo, kuba biseera bibi.

Okubala 14:22

ghazira ku bantu abo alituuka mu nsi eyo. Abantu abo baabona ekitiisa kyange n'obumanhiso bye nakolera mu Misiri ni mu irungu, aye era bansonsoonia emikuzi gino eikumi, baaloba kuwulira bye mbakoba.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Matayo 15:23

Aye Yesu yaaloba kumwiramu waire kibono. Abeegeresebwa be baaseeta baamweghemba nga bakoba bati: “Musiibule aje kuba ali kutunonereza bw'awowoigana.”

Matayo 16:1

Agho Abafarisaayo n'Abasaddukaayo baaseeta aghaali Yesu, nga bamuleba, abaghe akamanhiso akava mu igulu.

Matayo 19:3

Agho Abafarisaayo baaseeta gh'ali, baamuleba nga bakoba bati: “Kiikirizibwa omusaadha okubinga mukazi we ng'amulanga ensonga yoonayoona?”

Matayo 22:18

Yesu bwe yamanha olukwe lwaibwe yaabakoba ati: “Bakuusa imwe, lwaki mundeba?

Matayo 22:35

Era mulala ku abo, nga Munamateeka, yaamubuuza ng'amuleba ati:

Matayo 26:63

Aye Yesu yaasirika busirike. Agho Omukulu wa Bakabona yaamukoba ati: “Mu ga Katonda omulamu, tukobere oba nga niiwe Kurisito Omwana wa Katonda.”

Mariko 10:2

Agho Abafarisaayo baaseeta baamubuuza nga bamuleba oba nga kiikirizibwa mu Mateeka omusaadha okubinga mukazi we.

Mariko 12:15

Aye Yesu olw'okumanha obukuusa bwaibwe, yaabakoba ati: “Lwaki mundeba? Mundeetere ghano e dinari mbone!”

Mariko 3:2

Abaaligho beekalirisa Yesu babone oba nga awonia omuntu oyo ku Sabbato, memale bamuseeghe.

Mariko 8:11

Agho ghaidhagho Abafarisaayo, okutakana ni Yesu, baamuleba, nga bamwendaku akamanhiso okuva mu igulu.

Luka 10:25

Ghaabaagho Omunamateeka yaasituka yaaleba Yesu ng'akoba ati: “Mwegeresa, nkole ki okufuna obulamu obutawaagho?”

Luka 11:16

Ate abandi nga bamuleba, baamusaba akamanhiso okuva mu igulu.

Yoanne 8:2

Olunaku olwairirira yaawuuna mu nkyonkyo yairayo mu isinzizo. Abantu boonaboona beesololeza gh'ali, yaatyama yaabeegeresa.

1 Ab'e Korintho 10:9

Tulobenga kuleba Musengwa ng'abandi ku abo bwe baakola, emisota ni gibaita.