Yoanne 8:54 - Baibuli Ekibono kya Katonda 2014

⁵⁴ Yesu yaabairamu ati: “Bwe neetaamu ekitiisa mwene, ekitiisa ekyo tikibaamu muzindo. Lata wange n'antaamu ekitiisa, imwe ye mwogeraku nga Katonda waimwe.

Yoanne 8:54 ပူးပေါင်းရင်းမြစ်များ

Ensambo 25:27

Nga bwe kitali kirungi kunhwa mudheenene gwa ndhuki mungi, era kityo bwe kitali kirungi muntu kwenda inho kusaakibwa.

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Hosea 1:9

Musengwa Katonda yaakoba Hosea ati: “Mutuume eriina ‘Tiibantubange,’ kuba imwe timukaali bantu bange, era zeena tikaali Katonda waimwe.”

Yoanne 17:1

Yesu bwe yamala okukoba ebyo, yaalinga ghaigulu yaakoba ati: “Lata, ekiseera kituuse. Yoleka abantu ekitiisa ky'Omwana wo, n'Omwana asobole okubooleka ekitiisa kyo.

Yoanne 17:5

Era mperaano Lata, yoleka ekitiisa kyange mu maiso go, n'ekitiisa kye nali nakyo n'iwe ng'ensi ekaali kubaagho.

Yoanne 2:11

Yesu yakolera ekyewuunhio kino ekisooka e Kana mu Galilaaya. Atyo yaayoleka ekitiisa kye era Abeegeresebwa be baamwikiriza.

Yoanne 5:41

Nze tinoonia kusaakibwa bantu

Yoanne 7:18

Ayogera ebibye ku bubwe anoonia kumusaaka, aye ayenda basaake eyamutuma aba mwesigwa era tabaamu buguya bwonabwona.

Yoanne 7:39

Agho Yesu yali ali kwogera ku Mwoyo abamwikiriza ye baali baja okufuna kuba mu kiseera ekyo Mwoyo yali akaali kugabibwa olw'okuba Yesu yali akaali kutuuka mu kitiisa kya Ise.

Yoanne 8:41

Mukola bikolwa bya lata waimwe.” Baamukoba bati: “Ife tituli baghambule, tuli ni lata waife mulala ni Katonda mwene.”

Yoanne 8:50

Tigezaaku kwenooneza mwene kitiisa, ghaligho akiinooneza era akimpa.

Ebikolwa by'Abatume 3:13

Katonda wa Aburahamu, Katonda wa Isaaka, Katonda wa Yakobo, Katonda wa badhaadha baife, n'agulumiiza Omwana we Yesu, oyo ye mwaghaayo era ni mumwegaana mu maiso ga Pilato, bwe yali asazeegho okumulekula.

2 Ab'e Korintho 10:18

Omuntu eyeesaaka ti n'aikirizibwa Katonda, aye oyo Katonda y'asaaka.

1 Petero 1:12

Katonda yayoleka abalanzi abo ng'ebyo tibaabikola ku lwaibwe beene, aye ku lwaimwe. Ebintu ebyo n'ebyo bye mwawulira nga bibakoberwa abo abaabakobera Amawulire Amalungi. Bwe baali nga babakobera Amawulire Amalungi ago, Katonda yasindika Mwoyo Mutukuvu okuva mu igulu, yaidha okubalamba. Ni bamalaika beegomba okubona ku bintu ebyo.

1 Petero 1:21

Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

2 Petero 1:17

Ku olwo Katonda Lata lwe yamugha ekitiisa n'okusaakibwa, ghaaligho eiroboozi eryamwogeraku nga liva y'oyo ali n'Ekitiisa Ekitaloodheka, nga likoba liti: “Ono ni mutabane wange omugonzi aneesiimisa.”