Yoanne 8:32 - Baibuli Ekibono kya Katonda 2014

³² Mulimanha amazima era amazima galibafuula ab'eidembe.”

Yoanne 8:32 ပူးပေါင်းရင်းမြစ်များ

Zabbuli 119:45

Era ndidha kutambulanga nga neetaaya, kuba nfuba inho okujiira ku mateeka go ago.

Zabbuli 25:5

Ndagirira era ondhegerese okutambulira mu mazima go, kuba niiwe Katonda era omulokozi wange mwe nsuubirira buliidho.

Ensambo 1:23

Mufeeyo inho ku bye ndi kubanenia; nja kubakobera byonabyona ebindi ku mwoyo, era mbaghe ku magezi ge ndi nago.

Ensambo 1:29

Mwakyagha okugheebwa amagezi, era mwaloba kutya Musengwa Katonda.

Ensambo 4:18

Obulamu obw'abatuufu buli ng'oti ndhuba ku nkyo, etoolereza okuvaayo yaaja nga yeeyongera okwaka, okutuuka mu kasana ghagati.

Isaia 2:3

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole, era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Isaia 30:21

Bwe munaadaalimiranga ku luuyi olw'omukono omusaadha oba ku lw'omugooda, ni muva ku ngira, mwidha kuwuliranga amamiro ge emugongo waimwe nga gabakoba gati: “Eno n'engira ye mube mutambuliremu.”

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Isaia 54:13

Nze Musengwa Katonda mwene ninze ndyegeresa abantu bo, naabaleetera ebintu okubajiiranga obukalamu nga bali mu miraala.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Yeremia 6:16

Musengwa Katonda yaakoba abantu be ati: “Mwemerere mu maagaanana g'engira, mulinge eno n'ere, mubuuze babooleke aghali obugira obw'eira, n'aghali engira enungi. Mutambulire omwo, olwo mufune emiraala.” Aye beene baakoba bati: “Busa, titwidha kutambulira omwo.”

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Abalevi 25:41

Olwo anaakuvangaku ghalala n'abaana be, yairayo mu bantu be

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Matayo 11:29

Mubbeede ekikoligo kyange, era mundhegereku kuba nze ndi muwombeefu era tyegulumiza agho emyoyo gyaimwe giribatereera

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 1:17

Kuba, nga Katonda bwe yateeka Amateeka ng'abita mu Musa, ekisa n'amazima abibisa mu Yesu Kurisito.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Yoanne 16:13

Aye oyo bw'aliidha, Mwoyo ow'amazima, alibatuusa ku mazima goonagoona. Talyogera bibye ku bubwe aye by'awulira by'alyogera, era alibakobera eby'okubaagho.

Yoanne 17:17

Batukuze n'amazima ekibono kyo n'amazima.

Yoanne 6:45

Kyaghandiikibwa mu balanzi kiti, ‘Boonaboona balyegeresebwa Katonda.’ Yeenayeena awulira ebya Lata n'ayega, aidha ye ndi.

Yoanne 7:17

Kiisi aganha okukola oyo by'ayenda, amanha oba nga bye ndhegeresa byange ku bwange oba biva eri Katonda.

Yoanne 8:36

Kale Omwana bw'alibafuula ab'eidembe muliba ba idembe beenebeene.

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

Ab'e Roma 8:15

Katonda ti yabagha Mwoyo wa kubasibira mu bwiru na kubaleetera kutya, aye mwagheebwa mwoyo abafuula abaana ba Katonda abasobola okweta Katonda “Abba”, ekitegeeza kiti “Iseife”.

Ab'e Roma 8:2

Eiteeka lya Mwoyo eritugha ife obulamu abali mu Kurisito Yesu, lyamponia eiteeka ery'ekibi era n'okufa.

1 Ab'e Korintho 7:22

Omwiru eyayetebwa Musengwa, aba muntu wa Musengwa ow'eidembe eyatoolebwa mu bwiru, mu nsambo n'endala ow'eidembe atabangaku mwiru eyayetebwa Musengwa, aba mwiru wa Kurisito.

Ab'e Galatia 5:1

Okutuuka ku kwetaaya kuno, Kurisito n'eyatuteekuza okuva mu bwiru. Kale ni mwekalangule mulobe kweiza kabiri mu bwiru obwo.

Ab'e Galatia 5:13

Aye imwe aboluganda, mwayetebwa kwetaaya. Aye mutaganha kwetaaya kwaimwe okwo kubaviiramu kufugibwa kwegomba kwa mibiri gyaimwe. Aye mu kugonzania mugheerezaganie

2 Timotheo 3:7

Abakazi bano beetegefu okwega, aye tibaghanga kutuuka ku kumanha mazima.

Yakobo 1:25

Aye oyo eyeekalirisa amateeka amatuufu agaleetera abantu eidembe, era n'ageekalanguliraku nga tawulira buwulire ni yeerabira, aye ng'akola bye gakoba, omuntu oyo anaabanga wa nkabi mu buli ky'akola.

Yakobo 2:12

Kale ni mwogerenga era mukolenga ng'abo abaja okusalirwa omusango mu mateeka agatuleetera eidembe.

1 Petero 2:16

Mubenga ba idembe, aye mulobe kweyambisa idembe eryo mu kukola bubi. Mubenga bagheereza ba Katonda.

2 Yoanne 1:1

Ninze omukaire mpandiikira omukyala omulonde n'abaana be, be ngonza mu mazima. Era ti ninze zenka aye n'abo boonaboona abaidhi amazima