Yoanne 8:28 - Baibuli Ekibono kya Katonda 2014

²⁸ Agho Yesu yaabakoba ati: “Bwe mulighanika Omwana w'Omuntu, olwo lwe mulimanha nga ninze, era nga ghazira kye nkola ku bwange, aye Lata by'andhegeresa bye nkoba.

Yoanne 8:28 ပူးပေါင်းရင်းမြစ်များ

Yoanne 5:30

“Tisobola kukola kintu kyonakyona ku bwange; nsala omusango nga bwempulira aghazira kusaliriza, kuba tinuyirira kukola nga bwe nhenda aye nga Lata eyantuma bw'ayenda.

Yoanne 5:19

Agho Yesu yaabairamu ati: “Ka mbakobere, bwenebwene Omwana tasobola kukola kintu kyonakyona ku lulwe akola ebyo byonka by'abona Lata ng'akola. Kiisi Lata ky'akola n'Omwana ky'akola

Yoanne 6:38

Kuba naidha okuva mu igulu ti kukola nze kye nhenda, aye oyo eyantuma ky'ayenda.

Yoanne 3:14

Kale nga Musa bwe yaghanika omusota mu irungu, mu nsambo n'endala n'Omwana w'Omuntu bw'ali n'okughanikibwa

Ab'e Roma 1:4

aye mu butukuvu obuva mu Bwakatonda bwe, bwe yazuukizibwa mu bafu, yaboneka ng'ali n'amaani mangi ng'Omwana wa Katonda.

Ebikolwa by'Abatume 4:4

Aye abantu kamaala ku baawulira ebibono ebyayegeresebwa baikiriza. Omughendo ogw'abasaadha gwali ng'enkumi itaanu (5,000).

Ebikolwa by'Abatume 2:41

Abo abaasangaalira ebibono bye, baabatizibwa, era ku lunaku olwo, ku baikiriza kweyongeraku abantu ng'enkumi isatu.

Yoanne 19:18

Baamukomerera agho ku musalaba n'abandi babiri ku luuyi ni ku luuyi mwene yaaba ghagati.

Yoanne 16:10

Aligirumiriza ku bigema ku butuufu, kuba ndi kuja ye Lata era timukairayo kumbona.

Yoanne 11:42

Ndidhi nti buliidho ompulira aye ekyo nkikobye lwa bantu abali ghano baikirize nga niiwe wantuma.”

Yoanne 8:24

Kye nava ni mbakoba nti mulifiira mu bibi byaimwe kuba bwe mutaikiriza muti ninze, muja kufiira mu bibi byaimwe.”

Yoanne 3:11

Bwenebwene ka nkukobere, ife twogera kye twidhi era tukakasa kye twabona, aye imwe muloba okwikiriza obudhulizi bwaife.

Okuvaayo 3:14

Katonda yaamwiramu ati: “NDI OYO ALIGHO. Ekyo ky'obe oje okobe Abaisiraeli oti, ‘NDI antumye ye muli.’ ”

Amateeka Agokubiri 18:18

Ndidha kubasindikira omulanzi okuva mu ighanga lyaibwe, ali ng'oti niiwe. Ndidha kumukobera eby'okwogera, olwo abakoberenga byonabyona bye ndimulagira.

Matayo 24:5

Abantu kamaala baliidha mu liina lyange nga beeyeta nze, Kurisito, era balighabya abantu kamaala.

Mariko 13:6

Abantu kamaala baliidha mu liina lyange nga bakoba bati, ‘Ni nze’, era balighabya abantu kamaala.

Luka 21:8

Yesu yaabairamu ati: “Mwekuume, ti kulwa nga babaghabya kuba ghalibonekagho abantu kamaala abalyeyeta eriina lyange nga bakoba bati, ‘Ninze oyo,’ era bati, ‘Ekiseera kituuse!’ Aye timubanonerezanga.

Yoanne 4:26

Yesu yaamukoba ati: “Ninze ali kwogera n'iwe.”

Yoanne 8:27

Ti baakitegeera nga yali ali kwogera nabo ku Lata.

Yoanne 8:58

Yesu yaabairamu ati: “Bwenebwene ka mbakobere Aburahamu yali akaali kubaagho, nze nga ndigho.”

Yoanne 13:19

Ndi kubakobera bino mperaano nga bikaali kubaagho, lwe biribaagho mukakase muti ninze Oyo.

Yoanne 18:32

Yesu kye yayogera ku kufa kwe kyatuukirira.