Yoanne 8:21 - Baibuli Ekibono kya Katonda 2014

²¹ Yesu kabiri yaakoba ati: “Nze ndidha kuvaagho mulindhagala, era mwafiira mu kibi kyaimwe. Nze ye nja imwe timughanga kujaayo.”

Yoanne 8:21 ပူးပေါင်းရင်းမြစ်များ

1 Bakyabazinga 18:10

Ndayira mu Musengwa Katonda wo, nti ezirayo ighanga waire obwakyabazinga, musengwa wange kyabazinga y'ataatumya kukunooniayo. Era bwe baakobanga bati, ‘Ghano aziragho’, ng'alayiza obwakyabazinga obwo oba eighanga eryo, okukakasa nga tibakubonangaku.

Yobu 20:11

Amaani g'abaire ali nago mu buvubuka, aligalaamirira nago mu nkungu.

Ensambo 11:7

Omubi bw'afa by'abaire asuubira byonabyona agho ghe bikoma, era ole atatya Katonda bye yeesumba tabifuna naire.

Ensambo 14:32

Ababi beereetera beene okugwa olw'ebikolwa byaibwe ebibi, aye abatuufu, obwesigwa bwaibwe n'obubakuuma.

Isaia 65:20

Abaana baliba tibakaafa nga bato, era abantu boonaboona balighangaalanga emyaka gyaibwe emiidhuvu. Abo abalighangaalanga emyaka ekikumi, balibalirwanga mu bato. Era ole okufa nga tagigheziiza, kalibanga kamanhiso ka kukolimirwa.

Matayo 23:39

kuba ka mbakobere: Timuliirayo kumbona okutuusa lwe mulikoba muti, ‘Wa nkabi oyo aidha mu liina lya Musengwa.’ ”

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Matayo 25:46

Ng'olwo bano baja ku kibonerezo ekitawaagho, aye abatuufu nga baja mu bulamu obutawaagho.”

Yoanne 12:33

Yayogera ebyo ng'ayoleka ensambo ye yali aja okufaamu.

Yoanne 12:35

Yesu yaabairamu ati: “Ekimuliikirira kiriku mu imwe entangama. Mutambule nga mukaali n'ekimuliikirira, tomanha nzikiiza bw'ebaagaana. Kuba atambula mu nzikiiza tamanha y'aja.

Yoanne 13:33

Baana bange, nkaali n'imwe akaseera katono. Mulindhagala, aye nga bwe nakoba Abayudaaya mwena bwe mbakoba buti, ‘Ye nja timughanga kwidhayo.’

Yoanne 7:34

Mulindhagala aye timulimbona, nga ghe ndi timughanga kutuukagho.”

Yoanne 7:36

Agho aba ali kukoba ki bw'akoba ati, ‘Mulindhagala aye timulimbona, nga ghe ndi timughanga kutuukagho?’ ”

Yoanne 8:24

Kye nava ni mbakoba nti mulifiira mu bibi byaimwe kuba bwe mutaikiriza muti ninze, muja kufiira mu bibi byaimwe.”

Ab'Efeso 2:1

Eira mwali bafu olw'empwitu n'ebibi