Yoanne 8:17 - Baibuli Ekibono kya Katonda 2014

¹⁷ Ate kyaghandiikibwa ni mu Mateeka gaimwe kiti: Abadhulizi ababiri kasita baisania, obudhulizi bwaibwe buba butuufu.

Yoanne 8:17 ပူးပေါင်းရင်းမြစ်များ

1 Bakyabazinga 21:10

Olwo muleete mu maiso ge abantu babiri abazira kye bagasa, bamulumirize bati, ‘Wavuma Katonda era waavuma ni kyabazinga.’ Memale olwo mumutoolegho, mumutwale mumukube amabaale afe.”

Okubala 35:30

“Ole bw'anaitanga omuntu, aidha kwitibwanga nga ghamaze kubaagho obudhulizi obumulumiriza obuswika obw'omuntu omulala. Aye omudhulizi amulumiriza bw'anaabanga omulala ati yenka, omuntu oyo taitibwenga.

Matayo 18:16

Aye bw'atakuwulirisa, otoola mwino mulala oba babiri waaja nabo: Buli kibono kyakakasibwa abadhulizi babiri oba basatu.

Yoanne 10:34

Yesu yaabairamu ati: “Kyaghandiikibwa mu Mateeka gaimwe kiti, Katonda yakoba ati, ‘Muli bakatonda.’

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’

2 Ab'e Korintho 13:1

Guno omukuzi gwe ndi kwidha okubakyalira guja kuba gwa kusatu. “Buli kulumiriza kulikakasibwa nga ghaligho abadhulizi babiri oba basatu”, ng'ebyaghandiikibwa bwe bikoba.

Ab'e Galatia 3:24

Kale Amateeka gaatukuumanga ng'omukuza okutuusa Kurisito lwe yaidha olwo tugheebwe okuba abatuukirivu olw'okwikiriza.

Ab'e Galatia 4:21

Munkobere, imwe abenda okufugibwa Amateeka, timuwulira Mateeka kye gakoba?

Amateeka Agokubiri 17:6

Aye aidha kwitibwanga nga ghaligho abadhulizi babiri oba basatu abamulumiriza. Bwe ghanaabangagho omudhulizi omulala yenka, omuntu oyo taidha kwitibwanga.

Amateeka Agokubiri 19:15

Musa yaakoba Abaisiraeli ati: “Omudhulizi omulala yenka taasingisenga muntu musango, olw'ekibi oba ekintu ekikyamu kyonakyona omuntu oyo ky'anaabanga ng'akoze. Omuntu anaakakasibwanga okuba ng'aliku omusango lwa budhulizi bwa bantu babiri oba basatu.

Abaheburayi 10:28

Omuntu amenha Amateeka ga Musa aitibwa aghazira kusaasirwa, kasita ghabaagho abadhulizi ababiri oba abasatu abamulumiriza.

1 Yoanne 5:9

Oba twikiriza obudhulizi obw'abantu, obudhulizi obwa Katonda businga obwo. Kuba Katonda agha obudhulizi ku Mwana we.

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”