Yoanne 7:7 - Baibuli Ekibono kya Katonda 2014

⁷ Ensi tesobola kubakyagha, aye nze enkyagha, kuba mpa obudhulizi ku bikolwa byayo ebibi.

Yoanne 7:7 ပူးပေါင်းရင်းမြစ်များ

1 Bakyabazinga 21:20

Ahabu bwe yabona Eliya, yaamukoba ati: “Ongwikiriiza, omuzigu wange iwe?” Eliya yaamwiramu ati: “Yii, nkugwikiriiza, kuba weegheereireyo irala mu kukola ebibi mu maiso ga Musengwa Katonda.

1 Bakyabazinga 22:8

Kyabazinga wa Isiraeli yaakoba Yehoshafati ati: “Ghakaaligho omuntu ye tusobola okubitamu okwebuuzaaku ku Musengwa Katonda. Oyo ni Mikaia, mutabane wa Imula. Aye timwenda naire, kuba talangangaku bikalamu ku nze, okutoolaku ebibi.” Yehoshafati yaakoba ati: “Kyabazinga, otakoba otyo.”

Zabbuli 109:5

Kale bwe mbakolera ebikalamu bansasulamu bibi, bwe mbagonza bansasulamu kunkyagha!

Ensambo 15:12

Omuntu omunhoomi tayenda kunenezebwa, era taghanga kuja kwebuuzaaku ku bamusinga magezi.

Ensambo 8:36

Aye oyo akola ebibi yeerumiriza mwene, era oyo ankyagha aba ayenda kufa.”

Isaia 29:21

Katonda alizikiriza abo abaghaayiriza banaibwe emisango gye batakoze, n'abo abayamba abaizi ab'emisango ni batabonerezebwa, era n'abo abaguya ni balemesa omutuufu okusalirwa omusango mu mazima.

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Yeremia 20:8

Buli lwe ndhogera nkaabuka bukaabuke, nalangirira nti: “Ebikolwa eby'obukambwe n'okuzikirira biri kwidha!” Wo Musengwa Katonda, abantu banvuma era bandheeyereza olw'okulangirira obukwenda bwo.

Abalevi 13:10

yaamwekebeedha. Bw'anaabanga n'obuzimbu nga bweruukiriire ku mubiri, nga bweruukiriiza n'obuviiri era ng'omubiri gwesazesaze aghazimbye,

Zekaria 11:8

Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Luka 6:26

“Mukagwireku imwe, abantu boonaboona bwe banaaboogerangaku ebikalamu, kuba ni badhaadha baibwe batyo bwe baakola ku balanzi abasubayi.

Yoanne 17:14

Nze nabakoba ekibono ekyo, era ensi yaabakyagha, kuba ti ba nsi ng'oti ninze bwe ntali wa nsi.

Yoanne 3:19

Guno n'omusango: Ekimuliikirira kyaidha mu nsi, aye abantu baagonza enzikiiza mu kifo ky'okugonza ekimuliikirira olw'okuba ebikolwa byaibwe bibi.

Ab'e Roma 8:7

Okwemalira ku by'omubiri kuleetera omuntu okuba omuzigu wa Katonda, nga tawulira mateeka ga Katonda, era bwene taghanga ku gawulira.

Ab'e Galatia 4:16

Olwo mperaano nfuuse muzigu waimwe olw'okubakobera ekituufu?

Yakobo 4:4

Ye bano abatatya Katonda! Timwidhi ng'okuba bakagwa b'ensi kitegeeza kuba bazigu ba Katonda? Kiisi ayenda kuba mukagwa wa nsi aba yeefiire muzigu wa Katonda.

1 Yoanne 4:5

Abo ba mu nsi era boogera bya nsi, era ensi ebawulirisa.