Yoanne 7:42 - Baibuli Ekibono kya Katonda 2014

⁴² Ebyaghandiikibwa tibikoba biti Kurisito aja kuba ku baidhukulu ba Daudi? Era biti aja kuzaalibwa Bethelehemu ku butaka bwa Daudi.”

Yoanne 7:42 ပူးပေါင်းရင်းမြစ်များ

1 Ebyomubyanda 2:51

Mutabane we owokubiri Saluma ni lata wa Bethelehemu. Mutabane we owokusatu Harefu ni lata wa Bethigaderi.

Zabbuli 132:11

Kuba wasuubiza era toja kukyusaamu oti: “Nditoola mulala ku baana bo, naamufuula kyabazinga, yaafuga nga iwe oviiregho.

Zabbuli 89:4

‘Baidhukulu bo n'abaja okutyamanga mu kityamo kyo nga bakyabazinga, era ni bonkabonka abanaafuganga ebyanda n'ebyanda.’ ”

Isaia 11:1

Ng'olusaga bwe lusibukira ku kikonge ky'omuti ogutemeibwa, ni mu baidhukulu ba Yesse mutyo bwe mulisimukamu kyabazinga.

Yeremia 23:5

Musengwa Katonda era yaakoba ati: “Bona eno, ekiseera kiri kwidha, nteegho omwidhukulu omutuufu owa Daudi abe kyabazinga. Aja kufuganga n'amagezi era aidha kukolanga amazima n'ebituufu mu nsi ye.

Mika 5:2

Musengwa Katonda akoba ati: “Bethelehemu Efuratha, waire oli katono mu bibuga bya Buyudaaya, nja kukutoolamu omufuzi alifuga Isiraeli, ng'ali ku lulyo olw'abantu ab'eira einho abataja kwerabirwa.”

Matayo 1:1

Oluzi lwa Yesu Kurisito mwidhukulu wa Daudi, mwidhukulu wa Aburahamu luti bwe lwali:

Matayo 2:5

Baamukoba bati: “Mu Bethelehemu eky'e Buyudaaya kuba kyaghandiikibwa omulanzi kiti:

Matayo 2:6

‘Iwe Bethelehemu mu nsi ya Yuda, toli mutene mu bwami obw'omu Yuda, kuba mu iwe n'omwidha okusimuka omufuzi, anaalabirira abantu bange Abaisiraeli.’ ”

Luka 2:11

kuba olwaleero, mu kibuga kya Daudi, omununuzi Kurisito Musengwa, abazaaliirwa.

Luka 2:4

Yosefu yeena yaava mu kyalo Nazarethi eky'e Galilaaya yaaniinaniina okuja mu kyalo kya Daudi mu Buyudaaya, ekyetebwa Bethelehemu kuba yali wa kika kya Daudi, era wa ku nda ye.

Yoanne 7:27

Aye twidhi bulungi omusaadha ono y'ava, ate nga Kurisito bw'aliidha ghazira alimanha gh'ava.”

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”

1 Samueli 16:18

Ghaabaagho omwisuka yaakoba ati: “Bona eno, nze nabona eyo mutabane wa Yesse Omubethelehemu ng'aidhi inho okugikuba. Omusaadha oyo mulwani wa ntalo aziramu ntete, mwogezi mulungi, mulungi mu mboneka ye, era Musengwa Katonda ali naye.”

1 Samueli 16:4

Samueli yaakola nga Musengwa Katonda bwe yamulagira, yaaja e Bethelehemu. Abakulembeze ab'omu kibuga ekyo baidha okumusangaaza nga badhugumira. Baamubuuza bati: “Oidhie na miraala, oba busa?”

1 Samueli 17:58

Saulo yaamubuuza ati: “Omwisuka iwe, oli mutabane w'ani.” Daudi yaamwiramu ati: “Nze ndi mutabane w'omugheereza wo Yesse Omubethelehemu.”