Yoanne 7:31 - Baibuli Ekibono kya Katonda 2014

³¹ Abantu kamaala mu baali agho baamwikiriza baakoba bati: “Kurisito bw'aliidha, alikola ebyewuunhio kamaala okusinga omusaadha ono by'akoze?”

Yoanne 7:31 ပူးပေါင်းရင်းမြစ်များ

Matayo 12:23

Abantu boonaboona beewuunhia inho era baakoba bati: “Ono ti ni mwidhukulu wa Daudi?”

Luka 8:13

Ate eyagwa ku lubaale, n'abantu abawulira ekibono kya Katonda ni bakisangaalira n'eisanhu aye nga bazira mizi baikirizaaku kaseera buseera, aye akaseera ak'okulebwa bwe katuuka nga babivaaku.

Yoanne 11:45

Bangi ku Bayudaaya abaali baidhie ewa Maria, bwe baabona Yesu bye yakola baamwikiriza.

Yoanne 12:11

Kuba olw'okuba oyo Abayudaaya kamaala baali bali kubavaaku baikiriza Yesu.

Yoanne 12:42

Waire ng'abafuzi kamaala baikiriza Yesu, ekyo tibaakyatula olw'okutya Abafarisaayo okubabinga mu sinagoga

Yoanne 2:11

Yesu yakolera ekyewuunhio kino ekisooka e Kana mu Galilaaya. Atyo yaayoleka ekitiisa kye era Abeegeresebwa be baamwikiriza.

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 4:29

“Mwidhe mubone omuntu ankobeire byonabyona bye naali nkoze. Ataba nga ni Kurisito?”

Yoanne 4:39

Abasamaria kamaala ab'omu kibuga ekyo baamwikiriza olw'ebyo omukazi bye yabakobera ati: “Ankobeire byonabyona bye naali nkoze.”

Yoanne 6:2

Eikuukuubira ly'abantu lyamunonereza kuba baali bamaze okubona obumanhiso bwe yakola ku balwaire.

Yoanne 7:26

Mubone, wuule yeetaire mu bwanga ali kwogera era ghaabula kye bamukobaku! Bwenebwene abakulu baghanga okuba nga bakiidhi bati yandiba Kurisito?

Yoanne 9:16

Abafarisaayo abandi baakoba bati: “Omusaadha oyo ti wa Katonda, kuba tagondera mateeka ga Sabbato.” Aye abandi baakoba bati: “Omuntu omukozi ow'ebibi aghanga atya okukola ebyewuunhio oti ni bino?”

Ebikolwa by'Abatume 8:13

Ni Simoni mwene yeena yaikiriza era bwe yamala okubatizibwa, yaaba ghalala ni Filipo. Bwe yabona obumanhiso n'ebyewuninkiriza Filipo bye yakola, yeewuunhia inho.

Yakobo 2:26

Kuba ng'omubiri oguziramu mwoyo bwe guba omufu, n'okwikiriza okuziramu bikolwa kutyo bwe kuba okufu.