Yoanne 7:30 - Baibuli Ekibono kya Katonda 2014

³⁰ Agho baasala amagezi bamugeme aye ghaabula amugemaku kuba ekiseera kye kyali kikaali kutuuka.

Yoanne 7:30 ပူးပေါင်းရင်းမြစ်များ

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Isaia 46:10

Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Matayo 12:14

Aye Abafarisaayo olwafuluma nga beekobaana kubona ngeri ya kumuzikirizaamu.

Matayo 21:46

Baagezaaku okumugema, aye baatya olukunkumuli olw'abantu abaali bamwidhi nga mulanzi.

Mariko 11:18

Bakabona Abakulu n'Abanamateeka olwawulira ebyo, baanoonia engeri ey'okumuzikiriza. Baali bamutya kuba abantu boonaboona baali nga basamaaliriire olw'endhegeresa ye.

Luka 20:19

Mu saawa eyo Abanamateeka ni Bakabona Abakulu baayenda bamugeme kuba baategeera bati mu lufumo olwo yali ayogera ku beene, aye baatya abantu.

Luka 22:53

Nabanga n'imwe mu isinzizo buli lunaku, timwangema. Aye eno n'esaawa yaimwe era amaani ag'enzikiiza gali kukola.”

Yoanne 10:31

Agho Abayudaaya kabiri baalonda amabaale bagamukube.

Yoanne 10:39

Agho kabiri baayenda bamugeme aye yaabanuuka.

Yoanne 11:57

Mperaano, Bakabona Abakulu n'Abafarisaayo, baali bamaze okugha ebiragiro bati, bweghabaagho omuntu yeenayeena amanha Yesu gh'ali, aja yaabamanhisa, baaja baamugema.

Yoanne 7:19

Koodhi Musa tiyabagha Mateeka? Aye ghazira ku imwe agagondera. Lwaki musala amagezi okundhita?”

Yoanne 7:32

Abafarisaayo baawulira okuduuduuma mu ikuukuubira ku bigema ku Yesu. Era bano ni Bakabona Abakulu baasindika abakuumi baje bamugeme.

Yoanne 7:6

Yesu yaabairamu ati: “Ekiseera kyange kikaali kutuuka, aye imwe ekiseera kyaimwe buliidho kirigho.

Yoanne 7:8

Imwe muje ku kibinuko aye nze tiri kuja ku kibinuko ekyo kuba ekiseera kyange kikaali kutuukira irala.”

Yoanne 8:20

Yesu yakoba bino byonabyona ng'ali kwegeresa mu isinzizo agho mu kifo aghaateebwanga ebirabo. Era ghazira yamugema kuba ekiseera kye kyali kikaali kutuuka.

Yoanne 8:37

Ndidhi muli ku lulyo lwa Aburahamu. Aye musala amagezi okundhita olw'okuba timwikiriza kibono kyange.

Yoanne 8:59

Agho baalonda amabaale nga benda bagamukube, aye Yesu yeegisa era yaava mu isinzizo.

Yoanne 9:4

Tuteekwa okukola eby'oyo eyantuma nga bukaali musana, kuba obwire buli kwidha nga ghazira aghanga kukola.