Yoanne 7:28 - Baibuli Ekibono kya Katonda 2014

²⁸ Agho Yesu bwe yali ng'ali kwegeresa mu isinzizo yaayogerera ghaigulu ati: “Bwenebwene mundidhi era mwidhi ni ye nva? Nze tyaidha ku bwange mwene. Eyantuma yeesigika, aye era imwe timumwidhi.

Yoanne 7:28 ပူးပေါင်းရင်းမြစ်များ

Zabbuli 9:10

Abo abakwidhi, obwesige bwaibwe babuta mu iwe, kuba Musengwa Katonda tiweerabira abo abatakabana okwidha y'oli.

Yeremia 31:34

Kiriba tikikeetaagisa muntu kwegeresa mwine amanhe Musengwa Katonda, kuba boonaboona baliimanha okuviira irala ku basembayo ghansi okutuukira irala ku babbede beene. Ndibasonigha ebibi byaibwe era neerabirira irala okwonoona kwaibwe. Nze Musengwa Katonda, ninze nkobye.”

Yeremia 9:6

Baja bwa mu maiso na kukiriga bandi, na kwogera bya buguya. era baaloba okuumanha. Musengwa Katonda atyo bw'akoba.

Hosea 4:1

Imwe Abaisiraeli muwulire Musengwa Katonda by'akoba. Ghaligho omusango gw'ali kulumiriza abantu ababa mu nsi eno, kuba abantu b'omu nsi eno ti beesigwa era ti ba kisa, waire okutya Katonda.

Hosea 5:4

Ebikolwa byaibwe tibibaganha kukyuka kwira ye Katonda waibwe; kuba batwalirizibwa okusinza ebitali Katonda, baaloba okumanha Musengwa Katonda oyo.

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Matayo 2:23

Era bwe yatuuka yaatyama mu kibuga ekyetebwa Nazarethi kyatuukirira kityo ekyayogerwa abalanzi kiti: “Alyetebwa Munazarethi.”

Matayo 26:55

Mu saawa yeene eyo, Yesu yaakoba eikuukuubira ati: “Mwidhie okungema ng'abaja okugema omunhazi, mwaidha n'empiima n'emiigo? Buli lunaku natyamanga mu isinzizo naayegeresa, aye timwangema.

Luka 10:22

“Ebintu byonabyona, Lata wange yabimpa era ghazira aidhi Mwana okutoolaku Lata, ate ghazira aidhi Lata okutoolaku Mwana n'oyo yeenayeena Mwana y'aba asiimye okumumanhisa.”

Luka 2:11

kuba olwaleero, mu kibuga kya Daudi, omununuzi Kurisito Musengwa, abazaaliirwa.

Luka 2:39

Bwe baamala byonabyona eiteeka lya Musengwa bye liragira, bairayo e Galilaaya, mu kyalo eky'ewaibwe e Nazarethi.

Luka 2:4

Yosefu yeena yaava mu kyalo Nazarethi eky'e Galilaaya yaaniinaniina okuja mu kyalo kya Daudi mu Buyudaaya, ekyetebwa Bethelehemu kuba yali wa kika kya Daudi, era wa ku nda ye.

Luka 2:51

Agho Yesu yaaserengeta nabo, yaatuuka e Nazarethi, era yaabawuliranga. Inhina ebintu ebyo byonabyona yaabita ku mwoyo.

Yoanne 1:46

Nathanaeli yaamukoba ati: “Ghaligho ekirungi ekighanga okuva e Nazarethi?” Filipo yaamukoba ati: “Idha obone.”

Yoanne 10:36

memale mukoba mutya nze Lata ye yatukuza n'antuma mu nsi muti nvumye Katonda kuba nkobye nti ndi Mwana wa Katonda?

Yoanne 12:49

Kuba tyayogeranga ku bwange aye Lata eyantuma n'eyampa eby'okwogera n'eby'okukoba.

Yoanne 14:10

Toikiriza nga nze mba mu Lata era ni Lata yaaba mu nze? Ebibono bye mbakoba tibibakoba ku bwange, aye Lata oyo aba mu nze mwene n'akola.

Yoanne 14:31

Aye nkola nga Lata bw'andagira, ensi emanhe nga ngonza Lata. Musituke tuje, tuve ghano.”

Yoanne 16:3

Ebintu bino balibikola olw'okuba tibamanhanga Lata waire nze.

Yoanne 17:25

Lata Omutukuvu, ensi tekumanhanga aye nze nkwidhi era bano baidhi nga niiwe owantuma.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 3:33

Oyo aikiriza by'akoba akakasa nga Katonda wa mazima.

Yoanne 5:32

Aye ghaligho owundi andhulira era ndidhi ng'obudhulizi bw'agha ku nze bwa mazima.

Yoanne 5:43

Nze naidha mu liina lya Lata wange, aye muloba okunsangaalira owundi bw'aliidha ku bubwe mwene, muja kumusangaalira.

Yoanne 6:42

Baakoba bati: “Ono ti ni Yesu, mutabane wa Yosefu? Ise n'inhina tubaidhi. Akoba atya mperaano ati, ‘Naika okuva mu igulu?’ ”

Yoanne 7:14

Mperaano ekibinuko ghe kituukira ghagati, Yesu yaaja mu isinzizo yaatoolera okwegeresa.

Yoanne 8:14

Yesu yaabairamu ati: “Waire neeghaaku obudhulizi mwene, obudhulizi bwange bwa mazima, kuba nze ndidhi ye nava, era ni ye nja aye imwe timwidhi ye nva, oba ye nja.

Yoanne 8:16

Aye ate ni bwe mba nga ngusaze, okusalagho kwange kuba kutuufu, kuba tiba zenka mu kusalagho okwo Lata eyantuma aba ninze.

Yoanne 8:19

Agho baamubuuza bati: “Lata wo ali gha?” Yesu yaabairamu ati: “Nze timundidhi waire Lata wange, kuba nguli mundidhi ni Lata wange mwandibaire mumwidhi.”

Yoanne 8:26

Ndi n'ebintu kamaala eby'okuboogeraku era eby'okubasalira omusango aye eyantuma wa mazima, era nkobera ensi ebyo byonka bye mpulira okuva y'ali.”

Yoanne 8:42

Yesu yaabakoba ati: “Nguli Katonda n'eyali Lata waimwe mwandibaire mungonza kuba ewa Katonda ye nava naidha. Tyaidha ku bwange aye mwene n'eyantuma.

Yoanne 9:29

Twidhi nga Katonda yayogera ni Musa aye oyo omusaadha titwidhi y'ava.”

Ebikolwa by'Abatume 17:23

kuba bwe mbaire nga ntambulatambula mu kibuga kyaimwe, naabona ebintu bye musinza era naayagaana alutaari eyaghandiikibwaku eti, ‘Ya katonda atamanhiibwa.’ Oyo ye musinza nga timumwidhi, n'oyo nze ye mbakobera.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

Ab'e Roma 3:4

Busa, ti bwekiri. Katonda asigala nga wa mazima waire buli muntu aba nga muguya nga bwe kyaghandiikibwa kiti: “By'oyogera byoleka nga toguya era bwebakuwozesa niiwe osinga.”

2 Ab'e Korintho 1:18

Nga Katonda bw'ali, ow'amazima era atakyukakyuka, twena titubakobangaku tuti “Yii” ate kabiri ni tubakoba tuti “Busa”.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.

1 Yoanne 5:10

Kale kiisi aikiriza Omwana wa Katonda aba n'obudhulizi buno mu mwoyo gwe era kiisi ataikiriza, Katonda amufuula muguya; kuba aba taikiriza budhulizi Katonda bwe yagha ku mwana we.

1 Samueli 2:12

Batabane ba Eli baali abantu abazira kye bagasa, nga tibaisaayo mwoyo ku Musengwa Katonda.