Yoanne 6:9 - Baibuli Ekibono kya Katonda 2014

⁹ “Ghaligho ghano omwisuka ali n'emigaati etaanu egya sayiri n'ebyenhandha bibiri, aye katyo ebyo bikola ki ku bantu kamaala batyo!”

Yoanne 6:9 ပူးပေါင်းရင်းမြစ်များ

1 Bakyabazinga 4:28

Baaleetanga ni sayiri yeena, n'eisubi ery'embalaasi, n'ery'ensolo enumusi dh'embiro, nga babireeta woonawoona ghe byabanga nga byetaagibwa, buli muntu nga bwe yabanga ng'alagiirwa.

2 Bakyabazinga 7:1

Elisha yaakoba ati: “Muwulire Musengwa Katonda ky'akoba. Musengwa Katonda akoba ati, ‘Olwaidho mu kiseera ng'oti ni kino, ku mulyango ogwingira mu kibuga Samaria, kilo eisatu edh'obuwunga obuseereibwa obukalamu dhiidha kuba nga dhigula ekitundu kirala ekya feeza, ni kilo omukaaga edha sayiri dhoona dhiidha kuba nga dhigula ekitundu kirala kyonka ekya feeza.’ ”

Zabbuli 147:14

Akuuma ensalosalo edh'ekiketezo kyaimwe nga dhirimu emiraala, era yaabagha emere enkalamu yeene nga ya mwero.

Zabbuli 78:19

Baayogera bubi ku Katonda, bati: “Katonda asobola okutufunira emere mu irungu?

Zabbuli 78:41

Baamulebanga emikuzi kamaala, baamusonsoonia Oyo Omutukuvu wa Isiraeli.

Zabbuli 81:16

Aye imwe nandibaliisiisa engaano esinga bulungi, naabaigusa omudheenene ogw'endhuki ogw'omu nsiko.”

Ezekieli 27:17

Ensi Buyudaaya ni Isiraeli dhaasuubulagananga n'iwe. Waadhighanga bye wasuubulanga, ate dheene dhaakughangamu engaano, n'omuzigo ogw'ebibala eby'emiti emyoliva, n'emitiini egisookereza okwama, n'omudheenene ogw'endhuki, n'omuzigo, n'obuwoowo obwetebwa balamu.

Matayo 14:17

Aye baamukoba bati: “Tuzira kantu ghano okutoolaku emigaati etaanu n'ebyenhandha ebibiri.”

Matayo 16:9

Mukaali kutegeera, naire okwidhukira emigaati etaanu gye mwagabula abantu enkumi eitaanu, n'ebiibo bye mwasoloza?

Mariko 6:38

Yesu yaabakoba ati: “Muligho n'emigaati emeka? Muje mubone.” Olwamanha baamukoba bati: “Etaanu n'ebyenhandha bibiri.”

Mariko 8:19

emigaati etaanu bwe nagimeguliramu abantu enkumi eitaanu? Biibo bimeka ebyaidhula ebitundu bye mwasoloza?” Baamukoba bati: “Ikumi na bibiri.”

Luka 9:13

Aye Yesu yaabakoba ati: “Imwe mubaghe eky'okulya.” Baakoba bati: “Memale ife tuligho n'emigaati etaanu n'ebyenhandha bibiri, koodhi nga tuja twagula emere ey'abantu bano boonaboona?”

Yoanne 11:21

Maritha yaakoba Yesu ati: “Musengwa nguli wali ghano mwanhinaze tiyandifiire!

Yoanne 11:32

Maria yaatuuka Yesu ghe yali era olwamubona ati yaakuba amakiryaivu gha bigere bye yaamukoba ati: “Musengwa, nguli wali ghano mwanhinaze tiyandifiire!”

Yoanne 21:10

Yesu yaabakoba ati: “Muleete ku byenhandha, bye mwakagemya.”

Yoanne 21:13

Yesu yaidha yatoola omugaati yaagubagha n'ebyenhandha atyo.

Yoanne 21:9

Bwe baatuuka ku bukalu baabona omuliro ogw'amanda nga kuliku ebyenhandha n'omugaati.

Yoanne 6:11

Yesu yaatoola emigaati yeeyanza Katonda, yaagabira abantu abaali batyaime ku busubi. Mu nsambo n'endala atyo bwe yakola n'ebyenhandha abantu boonaboona baafuna nga bwe baayenda.

Yoanne 6:7

Filipo yaamwiramu ati: “Emigaati egy'edinari ebikumi ebibiri (200) tigimala kiisi muntu okulyaku akatono.”

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.

Amateeka Agokubiri 32:14

Ente dhaibwe dhaabagha omuzigo, n'embuzi dhaibwe dhaabagha amata. Baazaaza entaama ensavu einho, baafuna engaano enungi einho, baakunha omwenge ogw'emizabbibu omuka oguwooma.

Amateeka Agokubiri 8:8

Ensi eyo ebaza engaano, ni sayiri, n'emizabbibu, n'emitiini, n'emikomamawanga, n'emyoliva, era erimu omudheenene ogw'endhuki.

Okwolekebwa 6:6

Naawulira agaali ng'oti mamiro nga gava ghagati gh'ebitonde ebiramu ebina (4), nga gakoba gati: “Akaibo akatono ak'engaano kanaagula dinari namba, n'obwibo obusatu obwa sayiri bwona bugule dinari namba. Omuzigo n'omwenge ogw'emizabbibu otabyonoona.”