Yoanne 6:71 - Baibuli Ekibono kya Katonda 2014

⁷¹ Mperaano yali ali kwogera ku Yuda mutabane wa Simoni Isikarioti. Kuba ono, omulala ku Ikumi n'Ababiri, yali n'aja okumulyamu olukwe.

Yoanne 6:71 ပူးပေါင်းရင်းမြစ်များ

Zabbuli 41:9

Ni mukagwa wange mwene ow'omukago ye nali neesiga era ye nalyanga naye, yeena aneefuuliire.

Matayo 10:2

Amaina ag'Abatume eikumi n'Ababiri ni gano: asooka ni Simoni ayetebwa Petero, ni Anderea muganda we, ni Yakobo mutabane wa Zebedaayo ghalala ni Yoanne muganda we.

Matayo 10:4

Simoni Omukananayo ni Yuda Isikarioti eyamulyamu olukwe.

Mariko 14:10

Agho Yuda Isikarioti, omulala ku Eikumi n'Ababiri, yaaja eri Bakabona Abakulu, aghange okumughaayo ye bali.

Yoanne 12:4

Agho Yuda Isikarioti owundi ku Beegeresebwa ba Yesu, eyali aja okumulyamu olukwe yaakoba ati:

Yoanne 13:2

Yesu n'Abeegeresebwa be baali balya ekyeigulo, era Sitaani yali amaze okuta mu mwoyo gwa Yuda Isikarioti mutabane wa Simoni ekidhuubo eky'okulya mu Yesu olukwe.

Yoanne 13:26

Yesu yaamwiramu ati: “N'oyo ye nja okukoleza ekitole kino nkimughe.” Kale bwe yamala okukoza ekitole yaakigha Yuda mutabane wa Simoni Isikarioti.

Yoanne 2:2

Yesu n'Abeegeresebwa be boona baayetebwa era baaliyo.

Yoanne 20:24

Mperaano, owundi ku Ikumi n'Ababiri, Thomasi ayetebwa omulongo, tiyaba nabo Yesu lwe yaidha.

Yoanne 6:64

Aye abandi ku imwe timwikiriza.” Kuba okuviira irala mu kwinhama Yesu yali aidhi abaali tibaikiriza, n'eyali aja okumulyamu olukwe.

Yoanne 6:70

Yesu yairamu ati: “Ti ninze eyabalonda imwe Eikumi n'Ababiri? Ate owundi ku imwe Sitaani!”

Ebikolwa by'Abatume 2:23

Ono yabagheebwa nga Katonda amaze okukiteesa n'okukimanha, era imwe mwakozesa ababi okumwita nga bamukomerera ku musalaba.

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.