Yoanne 6:44 - Baibuli Ekibono kya Katonda 2014

⁴⁴ Ghazira aghanga kwidha ye ndi okutoolaku nga Lata eyantuma n'amutuusiiza ye ndi, era ndimuzuukiza ku lunaku olusembayo.

Yoanne 6:44 ပူးပေါင်းရင်းမြစ်များ

Olwembo 1:4

Ntwala y'oli kuja tuve ghano mangu, onhingize ewuwo iwe kyabazinga wange. Twidha kusangaala tusagambire ghalala n'iwe; era tusaake inho okugonza kwo, kuba kusinga omwenge ogw'emizabbibu. Abakwegomba batuufu okukwegombanga.

Yeremia 13:23

Omuntu asobola okukyusa langi y'omubiri gwe? Oba empala esobola okukyusa obudholodhondho bwayo ku mubiri? Ebyo bwebiba bisoboka, olwo n'imwe mwena omwamanhirira okukola ebibi, mwandibaire musobola okwega okukola ebirungi.

Yeremia 31:3

nze nababonekera nga ndi ghala okuva ghe baali. Imwe Abaisiraeli, nze nava ira nga mbagonza, era ndidha kweyongeranga okubagonza obutalekera.

Hosea 11:4

Nabatwalanga na kisa, naabaleeteranga okwidha ye ndi nga mbagonza. Nabaghembereranga ng'oti n'aghemberera omwana okumusirisaagho, era naakutamanga okubaliisa.

Matayo 12:34

Imwe eizaire ery'emisota, musobola mutya okwogera ebikalamu nga muli babi! Ebiidhwire mu mwoyo, omunwa ti bye gwogera?

Matayo 16:17

Yesu yaamukoba ati: “Simoni mutabane wa Yona, oli wa nkabi, kuba ti muntu buntu eyakubwikulira ekyo, aye Lata wange ow'omu igulu.

Yoanne 12:32

Bwe ndighanikibwa okuva ku nsi abantu boonaboona ndibaseesa ye ndi.”

Yoanne 5:44

Memale katyo mughanga mutya okwikiriza, imwe abagonza okusaakagana ni mutanoonia kusaakibwa oyo Katonda yenka?

Yoanne 6:43

Yesu yaabakoba ati: “Muleke kuduuduumira eyo.

Yoanne 6:45

Kyaghandiikibwa mu balanzi kiti, ‘Boonaboona balyegeresebwa Katonda.’ Yeenayeena awulira ebya Lata n'ayega, aidha ye ndi.

Yoanne 6:65

Era yaakoba ati: “Kye nava ni mbakoba nti ghazira muntu aghanga kwidha ye ndi okutoolaku nga Lata akimughaire.”

Yoanne 8:43

Lwaki timutegeera bye mbakoba? Lwa kuba timughanga kuwulirisa kibono kyange.

Ab'e Filippi 1:29

Kuba mwagheebwa enkabi okwikiriza Kurisito era n'okudaagadaaga ku lulwe.

Ab'e Kolosai 2:12

Mu kubatizibwa mwaziikibwa ghalala naye, era mwazuukizibwa ghalala naye, olw'okwikiriza kwaimwe kwe muli nakwo mu maani ga Katonda eyamuzuukiza okuva mu bafu.