Yoanne 6:27 - Baibuli Ekibono kya Katonda 2014

²⁷ Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Yoanne 6:27 ပူးပေါင်းရင်းမြစ်များ

Zabbuli 2:7

Agho kyabazinga yaakoba ati: “Ka mbakobere Musengwa Katonda kye yankoba. Yankoba ati, ‘Iwe oli mwana wange, olwaleero nkuzaire.

Zabbuli 40:7

Agho naakoba, nti: “Bona, ndidhie; ebinfaaku byaghandiikibwa mu nzingo y'ekitabo.

Ensambo 9:5

“Idha olye ku mere yange ye nfumbye, era onhwe ni ku mwenge gwange ogw'emizabbibu gwe mpiisiisa.

Omulangirizi 6:7

Omuntu mu by'akola byonabyona akolerera kufuna kya kulya, aye by'afuna tibimwigusa.

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Isaia 55:2

Lwaki mumalira empiiya dhaimwe ku ebyo ebitali mere? Lwaki mufaabiikanira ebyo ebitabaigusa? Mumpulirise bukalamu kye nkoba, olwo musobole okulyanga ebyo ebisinga kuba birungi, era mubenga basangaavu.

Yeremia 15:16

Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Habakkuku 2:13

Bona eno, Musengwa Katonda Afuga Amagye n'eyaleetera amaghanga ge mwaghangula, gakola emirimo emikalangufu, aye nga bye bakola bija kwokebwa bwokebwe. Era Musengwa Katonda oyo n'agaleetera okufaabiikana nga tigaja kuganhulwa naire.

Matayo 17:5

Yali akaayogera, ekireri ekimesunkana kyabakingiriza era eiroboozi lyava mu kireri lyakoba liti: “Ono ni mutabane wange omugonzi, aneesiimisa, mumuwulirenga.”

Matayo 25:46

Ng'olwo bano baja ku kibonerezo ekitawaagho, aye abatuufu nga baja mu bulamu obutawaagho.”

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

Matayo 6:19

“Oteebiikiranga bya bukombe mu nsi muno, ebisiisa n'okutalaiga mwe bibyonoonera, n'abaibi mwe basima ni babiiba.

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

Mariko 1:11

Era n'eiroboozi lyawulikika okuva mu igulu nga likoba liti: “Niiwe mutabane wange omugonzi, nkwesiimiramu inho.”

Mariko 9:7

Agho ekireri kyavaayo kyabakingiriza, era eiroboozi lyava mu kireri liti: “Ono ni mutabane wange omugonzi, mumuwulirenga.”

Luka 3:22

Mwoyo Mutukuvu yaika ng'afaanana oti njiibwa yaamwikaku, ate eiroboozi lyaidha okuva mu igulu lyakoba liti: “Niiwe mutabane wange omugonzi, nkwesiimiramu inho.”

Luka 9:35

Agho eiroboozi lyava mu kire nga likoba liti: “Ono ni Mutabane wange, omulonde, mumuwulirenga!”

Yoanne 10:28

Ndhigha obulamu obutawaagho era tidhirifa. Ghazira muntu yeenayeena asobola kudhinswankulaku.

Yoanne 11:42

Ndidhi nti buliidho ompulira aye ekyo nkikobye lwa bantu abali ghano baikirize nga niiwe wantuma.”

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Yoanne 15:24

Nguli tyakola byewuunhio nga babona, omuntu owundi by'atakolangaku, nguli bazira kibi. Aye mperaano baabibona, era baatukyagha twembi nze ni Lata wange.

Yoanne 17:2

Wamugha obukumu ku bantu boonaboona aghe obulamu obutawaagho abo boonaboona be wamugha.

Yoanne 3:15

kiisi amwikiriza asobole okuba n'obulamu obutawaagho.

Yoanne 3:33

Oyo aikiriza by'akoba akakasa nga Katonda wa mazima.

Yoanne 6:40

Lata wange ky'ayenda ni kino: buli abona Omwana era n'amwikiriza afune obulamu obutawaagho era mmuzuukize ku lunaku olusembayo.”

Yoanne 6:47

Bwenebwene, ka mbakobere aikiriza, ali n'obulamu obutawaagho.

Yoanne 6:51

Ninze omugaati oguleeta obulamu, ogwava mu igulu. Omuntu yeenayeena bw'alya ku mugaati guno aja kuba mulamu ebyanda n'ebyanda. Omugaati gwe ndighaayo olw'obulamu obw'ensi eno, n'omubiri gwange gwe nja okughaayo ku lw'ensi eno ebe n'obulamu.”

Yoanne 6:53

Agho Yesu n'okubakoba ati: “Bwenebwene ka mbakobere, okutoolaku nga mulya omubiri gw'Omwana w'Omuntu, era ni munhwa n'omusaayi gwe, timughanga kuba na bulamu.

Yoanne 6:54

Kiisi alya omubiri gwange era n'anhwa omusaayi gwange, ali n'obulamu obutawaagho, era ndimuzuukiza ku lunaku olusembayo.

Yoanne 6:58

Guno ni, n'omugaati oguva mu igulu, ti nga badhaadha baimwe gwe baalya ni bafa. Ole alya ku mugaati guno aja kuba mulamu ebyanda n'ebyanda.”

Yoanne 6:62

Memale nguli mubona Omwana w'Omuntu ng'aniinaniina eyo mu kifo ye yabanga?

Yoanne 6:68

Simoni Petero yaamwiramu ati: “Musengwa, tunaaja y'ani? Niiwe ali n'ebibono eby'obulamu obutawaagho.

Yoanne 8:18

Nze mwene neeghaaku obudhulizi ni Lata eyantuma yeena ampaaku obudhulizi.”

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 2:22

“Imwe abasaadha Abaisiraeli, muwulire ebibono bino: Yesu ow'e Nazarethi, n'omusaadha Katonda ye yakakalisa mu imwe n'eby'amaani, n'ebyewuninkiriza, n'obumanhiso, bye yamukozesanga mu imwe, era nga beene imwe bwe mwidhi.

Ab'e Roma 4:11

Olumaliira yakeketebwa, okukeketebwa kwe kaaba akamanhiso akakakasa obutuukirivu, bwe yagheebwa olw'okwikiriza kwe, ng'akaali kukeketebwa memale yaaba dhaadha w'abo boonaboona abaikiriza Katonda, ababalibwa okuba abatuukirivu ni bwe baba nga ti bakekete.

Ab'e Roma 6:23

Empeera y'ekibi kufa, aye ekirabo kya Katonda n'obulamu obutawaagho bwe tufuna mu Kurisito Yesu Musengwa waife.

1 Ab'e Korintho 6:13

Owundi yaakoba ati: “Emere yakolerwa mabunda, ate amabunda gaakolerwa mere.” Aye Katonda alibitoolagho byombi. Omubiri tigwakolerwa bwenzi aye gwakolerwa okugheereza Musengwa, era Musengwa ni mwene mubiri.

1 Ab'e Korintho 9:2

Waire abandi tibantwala ng'omutume, aye ndi mutume ye muli, kuba imwe beene niimwe akamanhiso akakakasa obutume bwange mu Musengwa.

2 Ab'e Korintho 4:18

Tujiira ku bintu ebitaboneka, aye ti ebyo ebiboneka kuba ebyo ebiboneka bya kaseera buseera, aye ebyo ebitaboneka tibiwaagho.

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

Amateeka Agokubiri 30:13

Era tibiri ere ng'osomoike enhandha, olwo mukobe muti, ‘Naani anaatusomokera enhandha abituleetere, memale tughange okubiwulira n'okubituukiriza?’

Ab'e Filippi 2:13

Kuba Katonda n'akolera mu imwe memale mwaganha era mwasobola okukola by'ayenda.

Ab'e Kolosai 1:29

Kino kye ntakabanira era ni nfaabiikana, mwene nga n'akolera mu nze n'amaani ge.

Ab'e Kolosai 2:22

Nga byonabyona bigema ku bintu ebikozesebwa ni biwaagho, era ng'ebyo byonabyona bya kugalaga na kwegeresa kwa bantu buntu.

Ab'e Kolosai 3:2

Mulowooze ku bintu ebiri mu igulu, aye ti ku bintu eby'oku nsi.

1 Ab'e Thessalonika 1:3

Twidhukira mu maiso ga Katonda era Lata waife, nga bwe mwoleka okwikiriza n'okugonza kwaimwe mu bye mukola, era twidhukira nga bwe mwoleka eisuubi lyaimwe eritakoma mu Musengwa waife Yesu Kurisito.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

Abaheburayi 12:16

Mwekuume ghalobe kubaagho mwenzi oba atatya Katonda ng'Esau, eyatunda obusika bwe olw'omwiguto omulala guti.

Abaheburayi 4:11

Agho ni tufaabiikane okutuuka ku kuwuumula okwo, ghalobe kubaagho agwa olw'obutaikiriza nga bale.

Yakobo 1:11

Endhuba bw'evaayo n'omusana gwayo ogw'amaani, eniaza ekimera ekimuli kyakyo kyagwa n'obulungi bwakyo bwawaagho. N'omukombe atyo bw'aliwaagho mu ebyo by'akola.

1 Petero 1:24

Kuba ebyaghandiikibwa bikoba biti: “Ebintu byonabyona ebiri n'omubiri biri ng'oti isubi, n'ekitiisa kyabyo kyonakyona kiri ng'oti kimuli kya isubi. Eisubi liniala n'ekimuli kyamagala,

2 Petero 1:17

Ku olwo Katonda Lata lwe yamugha ekitiisa n'okusaakibwa, ghaaligho eiroboozi eryamwogeraku nga liva y'oyo ali n'Ekitiisa Ekitaloodheka, nga likoba liti: “Ono ni mutabane wange omugonzi aneesiimisa.”