Yoanne 6:26 - Baibuli Ekibono kya Katonda 2014

²⁶ Yesu yaabairamu ati: “Bwenebwene ka mbakobere, muli kundhagala ti lwa kuba mwabona obumanhiso bwe nakola, aye muli kundhagala lwa kuba mwalya emigaati mwalekerera.

Yoanne 6:26 ပူးပေါင်းရင်းမြစ်များ

Zabbuli 78:37

Baali nga tibasobola kugumira ku Katonda, era nga tibatuukiriza ebyo ebiri mu ndagaano ye.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Yoanne 3:3

Yesu yaamwiramu ati: “Ka nkukobere bwenebwene, ezira aghanga kubona Bwakyabazinga bwa Katonda okutoolaku ng'azaaliibwa omukuzi ogwokubiri.”

Yoanne 3:5

Yesu yaamwiramu ati: “Bwenebwene ka nkukobere, okutoolaku ng'omuntu azaaliibwa amaadhi ni Mwoyo, taghanga kwingira mu Bwakyabazinga bwa Katonda.

Yoanne 6:14

Abantu bwe baabona akamanhiso ako Yesu ke yakola, baakoba bati: “Bwenebwene ono n'omulanzi Ole ow'okwidha mu nsi!”

Yoanne 6:15

Yesu yaamanha ati baali bali kumpi okumugema bya ntaka bamufuule Kyabazinga. Yaavaagho kabiri yaaja eyo mu nsozi yenka.

Yoanne 6:2

Eikuukuubira ly'abantu lyamunonereza kuba baali bamaze okubona obumanhiso bwe yakola ku balwaire.

Yoanne 6:24

Mperaano abantu bwe bataabona Yesu waire Abeegeresebwa be, baaniina mu maato ago baaja e Kaperinaumu okumwagala.

Yoanne 6:30

Baamukoba bati: “Kamanhiso ki k'onaakola tubone era tukwikirize? Oja kukola ki?

Yoanne 6:36

“Aye nga bwe nabakoba, waire mumbona timwikiriza.

Yoanne 6:47

Bwenebwene, ka mbakobere aikiriza, ali n'obulamu obutawaagho.

Yoanne 6:53

Agho Yesu n'okubakoba ati: “Bwenebwene ka mbakobere, okutoolaku nga mulya omubiri gw'Omwana w'Omuntu, era ni munhwa n'omusaayi gwe, timughanga kuba na bulamu.

Yoanne 6:64

Aye abandi ku imwe timwikiriza.” Kuba okuviira irala mu kwinhama Yesu yali aidhi abaali tibaikiriza, n'eyali aja okumulyamu olukwe.

Ab'e Roma 16:18

kuba abantu abakola ebintu oti n'ebyo tibagheereza Musengwa waife Kurisito aye bakolerera nda dhaibwe. Bakozesa ebibono ebinhoonha era ebisaakiriza, baaguya abantu abazira kabi.

Ab'e Filippi 2:21

Abandi bafa ku byaibwe byonka, tibafa ku bya Yesu Kurisito.

Ab'e Filippi 3:19

Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.

1 Timotheo 6:5

n'okughaghaana. Ebyo byonabyona bikolebwa abantu ab'omwoyo omubi, abaawaamu amazima, abatwala okwikiriza ng'engira ey'okukombaghala.