Yoanne 6:2 - Baibuli Ekibono kya Katonda 2014

² Eikuukuubira ly'abantu lyamunonereza kuba baali bamaze okubona obumanhiso bwe yakola ku balwaire.

Yoanne 6:2 ပူးပေါင်းရင်းမြစ်များ

Matayo 12:15

Yesu olwamanha olukwe olwo yaava agho. Era abantu kamaala baamunonereza, era yaabawonia boonaboona.

Matayo 13:2

Ebiyindi eby'abantu byesololeza gh'ali, era yaaniina bwa mu lyato yaatyama, eikuukuubira lyonalyona lyayemerera ku bukalu.

Matayo 14:14

Yesu bwe yava mu lyato yaabona olukunkumuli olw'abantu yaabagemerwa ekisa era yaawonia abalwaire baibwe.

Matayo 8:1

Agho Yesu bwe yava ku lusozi, ebikunsu eby'abantu byamunonereza.

Mariko 1:45

Aye, ono olwafuluma ng'atoolera kukobera buli ye yayagaananga, era atyo yaasansaania amawulire woonawoona. Era okuva ku olwo nga Yesu takaaghanga kungira mu kibuga mu lwatu, aye yaasigalira kubanga mu bifo eby'embali ezira bantu. Eyo, abantu okuva buli ghantu ye baamwagaananga.

Mariko 6:33

Abantu kamaala baababona nga baja era baabamanha. Kale abantu okuva mu bibuga byonabyona baalumuka ku bigere baabeesookayo.

Yoanne 11:47

Agho Bakabona Abakulu n'Abafarisaayo, beesoloza mu lwekobaano era beebuuzagania bati: “Tukole tutya? Kuba omusaadha ono ali kukola ebyewuunhio kamaala.

Yoanne 12:18

Kale eikuukuubira ery'abantu lyaidha okumusangaaza, kuba baawulira nga yakola akamanhiso ako.

Yoanne 12:37

Waire yali akoze obumanhiso kamaala nga babona, tibaamwikiriza.

Yoanne 2:11

Yesu yakolera ekyewuunhio kino ekisooka e Kana mu Galilaaya. Atyo yaayoleka ekitiisa kye era Abeegeresebwa be baamwikiriza.

Yoanne 2:23

Yesu bwe yali mu Yerusalemu, mu nnaku edh'Ekibinuko eky'Okubitizibwa abantu kamaala baamwikiriza bwe baabona ebyewuunhio bye yakolanga.

Yoanne 20:30

Eriyo ebyewuunhio ebindi kamaala Yesu bye yakola ng'Abeegeresebwa be babona ebitaaghandiikibwa mu kitabo kino.

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 6:14

Abantu bwe baabona akamanhiso ako Yesu ke yakola, baakoba bati: “Bwenebwene ono n'omulanzi Ole ow'okwidha mu nsi!”

Yoanne 6:22

Olunaku olwairirira, eikuukuubira ery'abantu abaali basigaire eruuyi ere ow'enhandha, baabona nga ghaligho eryato irala lyonka. Era baidhukira nga Abeegeresebwa baaja bonka, Yesu tiyali nabo mu lyato nga baja.

Yoanne 6:26

Yesu yaabairamu ati: “Bwenebwene ka mbakobere, muli kundhagala ti lwa kuba mwabona obumanhiso bwe nakola, aye muli kundhagala lwa kuba mwalya emigaati mwalekerera.

Yoanne 6:30

Baamukoba bati: “Kamanhiso ki k'onaakola tubone era tukwikirize? Oja kukola ki?