Yoanne 5:40 - Baibuli Ekibono kya Katonda 2014

⁴⁰ aye imwe muloba okwidha ye ndi okufuna obulamu.

Yoanne 5:40 ပူးပေါင်းရင်းမြစ်များ

Zabbuli 81:11

Aye abantu bange baaloba okumpulira! Isiraeli yaaloba okukolagana ninze!

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Matayo 22:3

Yaatuma abagheereza be okuja okunona abaayetebwa ku mbaga, aye baaloba okwidha.

Matayo 23:37

“Yerusalemu, Yerusalemu iwe aita abalanzi, n'okuba abatumiibwa y'oli amabaale! Emikuzi emeka gye nayenda okusoloza abaana bo aghalala ng'enkoko bw'esoloza obwana bwayo mu maghagha, aye nga tonganha?

Yoanne 1:11

Yaidha mu babe, aye abantu be beene baaloba okumusangaalira.

Yoanne 10:10

Omwibi taidhirira kindi okutoolaku okwiba, okwita n'okuzikiriza. Nze naidha dhibe n'obulamu ate nga bwa mwero.

Yoanne 3:19

Guno n'omusango: Ekimuliikirira kyaidha mu nsi, aye abantu baagonza enzikiiza mu kifo ky'okugonza ekimuliikirira olw'okuba ebikolwa byaibwe bibi.

Yoanne 5:39

“Mwagaaza mu Byaghandiikibwa nga mudhuuba muti mu ebyo mwe munaafunira obulamu obutawaagho, ate nga Ebyaghandiikibwa byene ebyo bindhulira,

Yoanne 5:41

Nze tinoonia kusaakibwa bantu

Yoanne 5:44

Memale katyo mughanga mutya okwikiriza, imwe abagonza okusaakagana ni mutanoonia kusaakibwa oyo Katonda yenka?

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Yoanne 6:37

Buli muntu Lata y'ampa, aliidha ye ndi ate buli aidha ye ndi tija kumubingira ku luya.

Yoanne 6:40

Lata wange ky'ayenda ni kino: buli abona Omwana era n'amwikiriza afune obulamu obutawaagho era mmuzuukize ku lunaku olusembayo.”

Ab'e Roma 6:23

Empeera y'ekibi kufa, aye ekirabo kya Katonda n'obulamu obutawaagho bwe tufuna mu Kurisito Yesu Musengwa waife.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.