Yoanne 5:39 - Baibuli Ekibono kya Katonda 2014

³⁹ “Mwagaaza mu Byaghandiikibwa nga mudhuuba muti mu ebyo mwe munaafunira obulamu obutawaagho, ate nga Ebyaghandiikibwa byene ebyo bindhulira,

Yoanne 5:39 ပူးပေါင်းရင်းမြစ်များ

Zabbuli 1:2

Aye ng'asangaalira mu Mateeka ga Musengwa Katonda, era yaagasoma yaageekalirisa omusana n'obwire.

Zabbuli 119:11

By'onkoba mbita ku mwoyo buliidho, ndobe kwonoona y'oli.

Zabbuli 133:3

Kiri ng'oti n'omusulo ogw'oku lusozi Herimoni ogugwa ku nsozi dha Sioni. Eyo mu Sioni Musengwa Katonda ye yasuubiza okugha abantu enkabi, obwo nga n'obulamu obutawaagho.

Zabbuli 16:11

Ondholeka engira entuusa mu bulamu; gh'oli n'aghali okusangaala okwidhuvu, mu mukono gwo omusaadha n'omuva okusagamba.

Zabbuli 21:4

Yakusaba obulamu waabumugha, waamugha obughangaazi obw'ebyanda n'ebyanda.

Zabbuli 36:9

Kuba niiwe oli n'ensulo ey'obulamu, era mu butangaavu bwo mwe tubonera obutangaavu bwene.

Ensambo 6:23

Kuba ebyo bye bakulagira biri ng'oti itaala eryaka mu nzikiiza, n'ebyo bye bakwegeresa byaba ng'oti butangaavu, ate ebyo bye bakuneniamu byakutuusa ku bulamu.

Isaia 34:16

Mwagaaze mu kitabo kya Musengwa Katonda, musomemu mubone: Mwidha kuzuula nga ku bitonde ebyo tikulibaaku waire ekirala kiti ekitaliba eyo. Era tighalibaagho kisaadha kitaliba na kiinaakyo ekikazi. Musengwa Katonda mwene n'eyalagira bibe bityo, era mwene oyo n'alibisolokeza aghalala.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Yeremia 8:9

Abagezi baidha kuswazibwa, batye inho era baweemu n'amaani; kuba baaloba okwikiriza ebibono byange nze Musengwa Katonda. Kale agho magezi ki ge bali nago?

Danieli 12:2

Era bangi ku abo abali e magombe abaafa balizuukira, abandi baliba mu bulamu obutawaagho ate abandi baaba mu kuswazibwa n'okunhoomebwa okutakoma.

Matayo 22:29

Yesu yaabairamu ati: “Mughaba inho olw'obutamanha Byaghandiikibwa, waire okumanha amaani ga Katonda

Mariko 10:3

Yesu yaabakoba ati: “Musa yabalagira ki?”

Mariko 12:10

Yaakoba ati: “Timusomanga kino ekyaghandiikibwa kiti, ‘Eibaale abazimbi lye baaloba bati lizira mugaso n'eryafuuka empango ey'omusingi mu nsonda.

Luka 16:29

“Aye Aburahamu yaamukoba ati, ‘Baganda bo bali ni Musa n'abalanzi, babawulirise.’

Luka 16:31

Aye Aburahamu yaamukoba ati, ‘Oba nga tibawulira Musa n'abalanzi, tibaja kwikiriza omuntu ni bw'alizuukira okuva mu bafu.’ ”

Luka 24:25

Agho yaabakoba ati: “Ye bano abasirusiru, ab'emyoyo egirwa okwikiriza abalanzi bye boogera!

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Luka 24:44

Olumaliira yaabakoba ati: “Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.”

Yoanne 1:45

Filipo yaayagaana Nathanaeli yaamukoba ati: “Tuboine oyo Musa ye yaghandiikaku mu kitabo ky'Amateeka, era n'abalanzi ye baaghandiikaku, Yesu ow'e Nazarethi, mutabane wa Yosefu.”

Yoanne 5:32

Aye ghaligho owundi andhulira era ndidhi ng'obudhulizi bw'agha ku nze bwa mazima.

Yoanne 5:36

“Aye nze ndi n'obudhulizi obusinga n'obwa Yoanne bw'agha kuba ebintu bye nkola, Lata n'eyabimpa okubikola era bindhulira nga Lata n'eyantuma.

Yoanne 5:40

aye imwe muloba okwidha ye ndi okufuna obulamu.

Yoanne 5:46

kuba nguli mwaikiriza Musa zeena mwandindhikiriiza, kuba yaghandiika ku nze.

Yoanne 7:52

Baamwiramu bati: “Iwe weena oli wa Galilaaya? Kinoonereze mu byaghandiikibwa, oidha kubona oti e Galilaaya tesobola kuva mulanzi.” [

Ebikolwa by'Abatume 13:27

Kuba abantu ab'omu Yerusalemu aghalala n'abafuzi baibwe, tibaamanha Yesu nga n'Omulokozi, waire okutegeera ebibono eby'abalanzi ebisomebwa kiisi lwa Sabbato. Aye baatuukiriza ebibono eby'abalanzi bwe baasalira Yesu omusango ogw'okufa.

Ebikolwa by'Abatume 17:11

Abayudaaya baayo baali bakalamu okusinga ab'e Thessalonika, kuba baayangugha okwikiriza ekibono kya Katonda. Era buliidho nga beekebeedha Ebyaghandiikibwa okubona oba nga bityo bwe biri.

Ebikolwa by'Abatume 26:27

Kyabazinga Agurippa oikiriza mu balanzi? Ndidhi obaikiriza.”

Ab'e Roma 1:2

ge yasuubiza eira ng'abita mu balanzi mu Byaghandiikibwa ebitukuvu.

Ab'e Roma 3:2

Kugasa inho mu buli nsambo. Ekisooka, Abayudaaya Katonda be yasooka okugemya ekibono kye.

Amateeka Agokubiri 18:15

Aye aidha kubasindikira omulanzi okuva mu ighanga lyaimwe, ali ng'oti ninze. Oyo ye munaawuliranga.

Amateeka Agokubiri 18:18

Ndidha kubasindikira omulanzi okuva mu ighanga lyaibwe, ali ng'oti niiwe. Ndidha kumukobera eby'okwogera, olwo abakoberenga byonabyona bye ndimulagira.

Amateeka Agokubiri 29:29

Musa yaayongera okukoba ati: “Ebintu Musengwa Katonda waife by'atatumanhisa, bisigala nga bya kyama. Aye yatumanhisa amateeka ge, ife ni baidhukulu baife, tughange okugakuumanga enaku dhoonadhoona.”

Amateeka Agokubiri 32:47

Kuba bino ti bibono bya kudhondha budhondhe. Aye n'obulamu bwaimwe bwene, era n'ebiribaleetera okughangaalira mu nsi ye muli kuja okutwala nga musomoike omwiga Yorudani.’”

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.

Abaheburayi 11:16

Aye mperaano kyali nti baali bali kwegomba obutaka obusinga obukalamu n'obwo obw'omu igulu. Kale Katonda kyava tagemwa nsoni kwetebwa Katonda waibwe, kuba yabategekera ekibuga.

Abaheburayi 11:35

n'abakazi baagheebwa abantu baibwe abazuukiziibwa. Abandi tibaaganha kulekulibwa, baitibwa basobole okuzuukirira obulamu obusinga bukalamu.

Yoshua 1:8

Ebiri mu kitabo kino eky'Amateeka bitakuvanga ku munwa. Bisomenga omusana n'obwire era ng'ogondera byonabyona ebyaghandiikibwamu. Olwo ebintu byonabyona biidha kukujiiranga bukalamu ng'ezira kikulema.

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.