Yoanne 5:37 - Baibuli Ekibono kya Katonda 2014

³⁷ Ate era ni Lata mwene eyantuma, oyo yeena andhulira. Imwe timuwulirangaku bw'ayogera, waire okumubona bw'afaanana.

Yoanne 5:37 ပူးပေါင်းရင်းမြစ်များ

Okuvaayo 20:19

Baakoba Musa bati: “Iwe yogera n'ife twidha kuwulira, aye Katonda atayogera n'ife, kuba tusobola okufa.”

Isaia 26:10

Ababi ni bw'obakolera ekisa, tibeega kukola bituufu. Ni mu nsi y'abantu abeesimbu mwona bakoleramu bwa bikyamu, baaloba kubona Musengwa Katonda nga bw'ali omukologho.

Matayo 17:5

Yali akaayogera, ekireri ekimesunkana kyabakingiriza era eiroboozi lyava mu kireri lyakoba liti: “Ono ni mutabane wange omugonzi, aneesiimisa, mumuwulirenga.”

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

Mariko 1:11

Era n'eiroboozi lyawulikika okuva mu igulu nga likoba liti: “Niiwe mutabane wange omugonzi, nkwesiimiramu inho.”

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Luka 3:22

Mwoyo Mutukuvu yaika ng'afaanana oti njiibwa yaamwikaku, ate eiroboozi lyaidha okuva mu igulu lyakoba liti: “Niiwe mutabane wange omugonzi, nkwesiimiramu inho.”

Yoanne 1:18

Ghazira eyaali aboine ku Katonda. Aye Omwana we omulala bedengedenge aba aghalala n'Ise, n'amwoleka abantu ni bamumanha.

Yoanne 14:9

Yesu yairamu ati: “Filipo mbaire n'imwe okumala entangama, aye era waaba nga tondidhi? Oyo abona nze aba aboine Lata. Memale okoba otya oti, ‘Tulage Lata?’

Yoanne 15:24

Nguli tyakola byewuunhio nga babona, omuntu owundi by'atakolangaku, nguli bazira kibi. Aye mperaano baabibona, era baatukyagha twembi nze ni Lata wange.

Yoanne 5:32

Aye ghaligho owundi andhulira era ndidhi ng'obudhulizi bw'agha ku nze bwa mazima.

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Yoanne 8:18

Nze mwene neeghaaku obudhulizi ni Lata eyantuma yeena ampaaku obudhulizi.”

Amateeka Agokubiri 4:12

Mubakoberenga nga Musengwa Katonda bweyayogera n'imwe ng'ali mu muliro, ni muwulira amamiro obumiro gonka ng'ali kwogera, aye ni mutamubona nga bw'afaanana naire.

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

1 Timotheo 6:16

Ni yenka atafa era aba mu butangaavu obutaseetekaku, ghazira yaali amuboine, era ghazira aghanga kumubona. Aisibwengamu ekitiisa era afugenga ebyanda n'ebyanda. Amiina.

1 Yoanne 4:12

Ghazira muntu yaali aboine ku Katonda, aye bwe tugonzania Katonda aba mu ife era okugonza kwe kutuukirira mu ife.

1 Yoanne 4:20

Omuntu yeenayeena bw'akoba ati agonza Katonda ate ng'akyagha muganda we, aba muguya kuba atagonza muganda we y'abonaku taghanga kugonza Katonda y'atabonangaku.

1 Yoanne 5:9

Oba twikiriza obudhulizi obw'abantu, obudhulizi obwa Katonda businga obwo. Kuba Katonda agha obudhulizi ku Mwana we.