Yoanne 5:30 - Baibuli Ekibono kya Katonda 2014

³⁰ “Tisobola kukola kintu kyonakyona ku bwange; nsala omusango nga bwempulira aghazira kusaliriza, kuba tinuyirira kukola nga bwe nhenda aye nga Lata eyantuma bw'ayenda.

Yoanne 5:30 ပူးပေါင်းရင်းမြစ်များ

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

Zabbuli 96:13

byonabyona nga biri mu maiso ga Musengwa Katonda ali kwidha. Aidha kusalira ensi omusango mu butuufu, ni mu mazima nga tasaliriza.

Isaia 28:6

Aligha abalamuzi omwoyo ogw'okukolanga amazima, era yaagha abaisirukale amaani okukuumanga emiryango gy'ekibuga, okukiwonia okulumbwa abazigu.

Zefania 3:15

Musengwa Katonda atoiregho ekibonerezo kyaimwe, abinze abazigu baimwe boonaboona. Musengwa Katonda oyo kyabazinga wa Isiraeli ali mu imwe buti, ghazira kye mukaatya.

Matayo 26:39

Yeeyongerayooku katono, yaakuba amakiryaivu yaasaba ng'akoba ati: “Lata oba kisoboka mponia ekikopo kino, ti nga nze bwe nhenda, aye nga iwe bw'oyenda.”

Yoanne 14:10

Toikiriza nga nze mba mu Lata era ni Lata yaaba mu nze? Ebibono bye mbakoba tibibakoba ku bwange, aye Lata oyo aba mu nze mwene n'akola.

Yoanne 17:4

Ndholeike ekitiisa kyo mu nsi era mmaze okukola ekyo kye wampa okukola.

Yoanne 18:11

Aye Yesu yaakoba Petero ati: “Empiima yo giize mu kiruutu kyayo. Ekikopo Lata ky'ampaire nnaaloba okukinhwa?”

Yoanne 4:34

Yesu yaabakoba ati: “Emere yange n'okukola ebyo eyantuma by'ayenda, n'okumala omulimo gwe yampa.

Yoanne 5:19

Agho Yesu yaabairamu ati: “Ka mbakobere, bwenebwene Omwana tasobola kukola kintu kyonakyona ku lulwe akola ebyo byonka by'abona Lata ng'akola. Kiisi Lata ky'akola n'Omwana ky'akola

Yoanne 6:38

Kuba naidha okuva mu igulu ti kukola nze kye nhenda, aye oyo eyantuma ky'ayenda.

Yoanne 8:28

Agho Yesu yaabakoba ati: “Bwe mulighanika Omwana w'Omuntu, olwo lwe mulimanha nga ninze, era nga ghazira kye nkola ku bwange, aye Lata by'andhegeresa bye nkoba.

Yoanne 8:42

Yesu yaabakoba ati: “Nguli Katonda n'eyali Lata waimwe mwandibaire mungonza kuba ewa Katonda ye nava naidha. Tyaidha ku bwange aye mwene n'eyantuma.

Yoanne 8:50

Tigezaaku kwenooneza mwene kitiisa, ghaligho akiinooneza era akimpa.

Ab'e Roma 15:3

kuba ni Kurisito tiyefaaku yenka, era kyaghandiikibwa kiti: “Ebivumo by'abo abakuvuma, byaira ku nze.”

Ab'e Roma 2:2

Twidhi nga Katonda bw'asalira abantu abo abakola ebintu ebyo omusango, aba mutuufu.

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.