Yoanne 5:3 - Baibuli Ekibono kya Katonda 2014

³ Mu bigangu bino n'omwali olukunkumuli lw'abalwaire aba buli nsambo abatulu, abalema n'abagogomu [nga balindirira amaadhi okwetaabuula.

Yoanne 5:3 ပူးပေါင်းရင်းမြစ်များ

1 Bakyabazinga 13:4

Agho kyabazinga Yeroboamu bwe yawulira ebyo omulanzi bye yayogera ng'avumirira alutaari mu Betheli, yaagalula omukono ghe yali gh'alutaari, yaamusonkaku ng'akoba ati: “Mumugeme!” Amangu ago omukono ogwo gwakadambala nga taghanga kugwiza.

Ensambo 8:34

Wa nkabi oyo awulira bye nkoba, buli lunaku n'atatoola maiso ku lwigi lwange, era n'aba agho gha mulyango gwange ng'aguniriire.

Okulira 3:26

Kale kiba kikalamu ole yaasirika, yaateegerera obulokozi obuva eri Musengwa Katonda.

Zekaria 11:17

Akagwireku omwayi w'entaama oyo azira ky'agasa naire, alekulira obwagho ekisibo! Olutalo lugwananga lwamukuba yaava mu buyinza yaagwira irala. Era omukono gwamuniala n'eriiso lye ery'oku mukono omusaadha lyamutulughala.”

Matayo 15:30

Abantu kamaala baasombokera y'ali, nga baleese abalema, n'abatulu, n'abateesobola, ni bakasiru, n'abandi kamaala, baabata agho mu maiso ge, yaabawonia.

Matayo 4:24

Yaawulikika mu Siria mwonamwona baamuleetera boonaboona abaali obubi: abaalwala endwaire edha buli nsambo, n'abaali na buli kibaluma, abaaliku emizimu, n'abasimbu, n'abalema, era yaabawonia.

Luka 7:22

Agho yaabairamu yaabakoba ati: “Muje mukobere Yoanne bye muboine ni bye muwuliire: abatulu bairamu kubona, abalema batambula, ab'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi

Yoanne 5:2

Mperaano, mu Yerusalemu, agho ku Mulyango gw'Entaama, ogwetebwa Bethizatha mu Luheburayi, ghaaligho ekidiba nga kiriku ebigangu bitaanu.

Yoanne 5:4

Kuba ghaalingagho ebiseera malaika mwe yaikiranga mu kidiba n'ataabuula amaadhi, era nga kiisi asooka okwika mu maadhi nga gamaze okutaabuuka, awona kiisi bulwaire bwonabwona bw'aba ng'alwaire.]

Ab'e Roma 8:25

Aye bwe tusuubira ekyo kye tutabonaku, tulindirira n'okuguminkiriza.

Yakobo 5:7

Baganda bange, muguminkirize okutuusa Musengwa lw'aliira. Mubonere ku mulimi bw'ateegerera eitaka lye okumugha amakungula ag'omugaso. Ateegerera amaadhi amatoigo n'amasambya.