Yoanne 5:28 - Baibuli Ekibono kya Katonda 2014

²⁸ Kino kitabaasaamiriza kuba ekiseera kiri kwidha, abali mu magombe boonaboona mwe baliwulirira eiroboozi lye,

Yoanne 5:28 ပူးပေါင်းရင်းမြစ်များ

Isaia 26:19

Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Danieli 12:2

Era bangi ku abo abali e magombe abaafa balizuukira, abandi baliba mu bulamu obutawaagho ate abandi baaba mu kuswazibwa n'okunhoomebwa okutakoma.

Hosea 13:14

Tirinunula bantu bano kubatoola mu magombe, waire okubawonia okufa. Iwe Okufa, ebibamba by'osindikira abantu biri gha? Iwe Amagombe, okuzikiriza kwo kuli gha? Nze tikaali na kusaasira naire.

Yoanne 3:7

Oteewuunhia kye nkukobye nti muli n'okuzaalibwa omukuzi ogwokubiri.

Yoanne 4:21

Yesu yaamukoba ati: “Mukazi iwe, amazima gali gati, ekiseera kiidha kutuuka Lata abe nga takaasinzibwa ku lusozi luno waire e Yerusalemu.

Yoanne 4:23

Aye ekiseera kiri kwidha era kituuse, abasinza mu nsambo entuufu basinze Lata mu Mwoyo era ni mu mazima, kuba abamusinza mu nsambo ng'oti n'eyo Lata oyo b'asiima.

Yoanne 5:20

kuba Lata agonza Omwana era amulaga byonabyona by'akola. Era aidha kumulaga n'ebisinga n'agho mwasaamirire n'okwasaamirira.

Yoanne 5:25

Bwenebwene mbakobera nti: Ekiseera kiri kwidha era n'okutuuka kyatuuka, abafu mwe bawulirira eiroboozi ery'Omwana wa Katonda, era abo abaliwulira bafuna obulamu.

Ebikolwa by'Abatume 24:15

Ndi n'eisuubi mu Katonda ng'abo beene bwe bali nalyo, ng'abalungi n'ababi balizuukira.

Ebikolwa by'Abatume 3:12

Petero bwe yabona abantu abo yaabakoba ati: “Abasaadha Abaisiraeli, lwaki kino mukyewuunhia? Lwaki mutulingirira mutyo ng'oti maani gaife na butuukirivu bwaife n'ebitambwiza ono?

1 Ab'e Korintho 15:22

Era ng'abantu boonaboona bwe bafa mu Adamu, mu nsambo n'endala boonaboona balizuukira mu Kurisito.

Ab'e Filippi 3:21

Ono n'alikyusa emibiri gyaife eminafu era egifa n'agifuula ng'oti n'ogugwe ogw'ekitiisa, ng'akozesa amaani agamusobozesa okuta ebintu byonabyona mu bufuzi bwe.

Okwolekebwa 20:12

Naabona abafu, abakulu n'abato, nga beemereire mu maiso g'ekityamo ekyo eky'obwakyabazinga. Ebitabo byawumbululwa. Era n'ekitabo ekindi kyawumbululwa, ekitabo eky'obulamu. Abafu baasalirwa omusango okuva ku bye baakola, ebyaghandiikibwa mu bitabo.