Yoanne 5:23 - Baibuli Ekibono kya Katonda 2014

²³ Abantu boonaboona bate mu Mwana ekinhagansi nga bwe bata mu Lata ekinhagansi. Kiisi atata mu Mwana kinhagansi, ni Ise eyamutuma tamutaamu kinhagansi.

Yoanne 5:23 ပူးပေါင်းရင်းမြစ်များ

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Isaia 44:6

Musengwa Katonda Afuga Amagye, Kyabazinga era Omununuzi wa Isiraeli, akoba ati: “Ninze entoolo era ninze enkomerero, era nze zenka, ninze Katonda. Ezirayo kyetebwa katonda okutoolaku nze zenka.

Isaia 45:15

Katonda Omulokozi wa Isiraeli, ni Katonda eyeekweka.

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Matayo 10:37

“Oyo agonza lata we oba inhina okusinga nze, tangwanira, n'oyo agonza mutabane oba mughala we okusinga nze, tangwanira.

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Matayo 12:21

Era mu liina lye, amaghanga agandi mwe galisuubirira.”

Matayo 15:8

‘Abantu bano bantaamu ekitiisa mu bibono bubono, aye omwoyo gwaibwe gundi ghala.

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Luka 10:16

“Awulira imwe aba awuliire nze; aloba okubawulira aba alobye kuwulira nze; ate aloba okuwulira nze aba alobye kuwulira ole eyantuma.”

Yoanne 14:1

Yesu yaabakoba ati: “Mutabanga beeraliikirivu mu myoyo gyaimwe. Mwikirize Katonda, zeena mundhikirize.

Yoanne 16:14

Alyoleka ekitiisa kyange kuba alitoola ebyange yaabibakobera.

Yoanne 17:10

Abange boonaboona babo era ababo boonaboona bange, era mu abo mwe nfunira ekitiisa.

Ab'e Roma 1:7

Kale ni mbaghandiikira imwe mwenamwena ab'e Roma, Katonda b'agonza era be yayeta okuba abantu be. Katonda Iseife ni Musengwa waife Yesu Kurisito abaghe enkabi n'emiraala.

Ab'e Roma 15:12

Era ni Isaia akoba ati: “Mwidhukulu wa Yesse aliidha, baamutaagho okufuga abamaghanga agandi. Era mu oyo eisuubi lyaibwe mwe liriba.”

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

Ab'e Roma 8:9

Aye oba nga bwene Mwoyo wa Katonda ali mu imwe timufugibwa mubiri aye mufugibwa Mwoyo. Kiisi azira Mwoyo wa Kurisito ti wa Kurisito.

1 Ab'e Korintho 1:3

Enkabi n'emiraala ebya Katonda Lata waife, ni Musengwa Yesu Kurisito bibe n'imwe.

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

1 Ab'e Korintho 16:22

Oyo yeenayeena atagonza Musengwa alaamibwe. Musengwa idha!

1 Ab'e Korintho 6:19

Timwidhi ng'emibiri gyaimwe n'eisinzizo lya Mwoyo Mutukuvu ali mu imwe era eyabagheebwa Katonda? Timuli baimwe ku bwaimwe, aye muli ba Katonda.

2 Ab'e Korintho 1:9

Bwene twawulira mule nga tusaliirwa gwa kufa. Aye kino kyatutuukaku tulobe kwesiga maani gaife, aye twesige Katonda yenka azuukiza abafu.

2 Ab'e Korintho 5:14

Ife tufugibwa kugonza kwa Kurisito, era twidhi nga yafiirira boonaboona, ekikoba nti boonaboona bagabana ku kufa kwe.

2 Ab'e Korintho 5:19

Kye tukoba ni kino nti Katonda yaleetera abantu boonaboona okwisania naye ng'abita mu Kurisito, nga tababalira bibi bye baakola naire. Era twena yatugemya obukwenda obubaleetera okwisania naye.

Ab'Efeso 6:24

Enkabi dha Katonda dhibe n'abo boonaboona abagonza Musengwa waife Yesu Kurisito n'okugonza okutakoma.

2 Timotheo 1:12

era kyenva ni ndaagadaaga nti. Aye ekyo tikingemya nsoni kuba ndidhi bukalamu oyo ye naikiriza, era nkakasa nti asobola bukalamu okukuuma ekyo kye yanteresa okutuusa ku lunaku lule.

Abaheburayi 1:6

Era Kabiri ng'ali kumpi okutuma mu nsi Omwana we omuberi yaakoba ati: “Bamalaika ba Katonda boonaboona, bamusinzenga.”

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.

1 Yoanne 2:23

Kiisi aloba okwikiriza Mwana aloba ni Lata aye aikiriza Mwana aba ni Lata yeena.

2 Yoanne 1:9

Oyo yeenayeena ayawuka n'atasigala ku ndhegeresa ya Kurisito taba na Katonda, aye oyo asigala ng'ali ku ndhegeresa ya Kurisito aba ni Lata era ni Mwana.