Yoanne 5:21 - Baibuli Ekibono kya Katonda 2014

²¹ “Nga Lata bw'azuukiza abafu era n'abagha obulamu, mu nsambo n'endala n'Omwana bw'agha obulamu abo b'ayenda okubugha.

Yoanne 5:21 ပူးပေါင်းရင်းမြစ်များ

1 Bakyabazinga 17:21

Agho yeegololera ku mwana emikuzi esatu, yeeghemba Musengwa Katonda ng'akoba ati: “Wo Musengwa Katonda wange, ganha omwana ono airemu obulamu.”

2 Bakyabazinga 5:7

Kyabazinga wa Isiraeli bwe yasoma embaluwa eyo, yaakanulamu ebivaalo bye olw'okusoberwa. Yaakoba ati: “Obwo nze ndi Katonda, ali n'obuyinza okwita n'okugha obulamu? Omusaadha ono aghanga atya okunsindikira omuntu mmuwonie endwaire ye ey'ebigenge? Bwenebwene ali bwa kuneesonsaaku bwesonse afune bw'anaatoolereza okusoola ninze!”

Yoanne 11:25

Yesu yaamukoba ati: “Ninze okuzuukira era ninze obulamu. Kiisi aikiriza nze ni bw'afa, aba mulamu

Yoanne 17:2

Wamugha obukumu ku bantu boonaboona aghe obulamu obutawaagho abo boonaboona be wamugha.

Yoanne 6:63

Mwoyo n'agaba obulamu, omubiri ghazira kye guganhula. Ebibono bye mbakobye ni Mwoyo era n'obulamu.

Ebikolwa by'Abatume 26:8

Lwaki timukiikiriza naire nga Katonda aghanga okuzuukiza abafu?

Ab'e Roma 8:11

Oba nga Mwoyo wa Katonda eyazuukiza Yesu ali mu imwe, kale oyo eyazuukiza Kurisito Yesu, emibiri gyaimwe egifa gyona aligigha obulamu ku bwa Mwoyo we ali mu imwe.

1 Ab'e Korintho 15:45

Kyaghandiikibwa kiti: “Adamu omuntu eyasooka yatondebwa yaaba n'obulamu” aye Adamu ow'enkomerero yafuuka omwoyo ogugaba obulamu.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.