Yoanne 5:20 - Baibuli Ekibono kya Katonda 2014

²⁰ kuba Lata agonza Omwana era amulaga byonabyona by'akola. Era aidha kumulaga n'ebisinga n'agho mwasaamirire n'okwasaamirira.

Yoanne 5:20 ပူးပေါင်းရင်းမြစ်များ

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Matayo 17:5

Yali akaayogera, ekireri ekimesunkana kyabakingiriza era eiroboozi lyava mu kireri lyakoba liti: “Ono ni mutabane wange omugonzi, aneesiimisa, mumuwulirenga.”

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

Matayo 4:8

Kabiri Sitaani yaamutwala ku lusozi oluleeyi einho, yaamulaga obwakyabazinga obw'ensi n'ekitiisa kyabwo.

Luka 10:22

“Ebintu byonabyona, Lata wange yabimpa era ghazira aidhi Mwana okutoolaku Lata, ate ghazira aidhi Lata okutoolaku Mwana n'oyo yeenayeena Mwana y'aba asiimye okumumanhisa.”

Yoanne 1:18

Ghazira eyaali aboine ku Katonda. Aye Omwana we omulala bedengedenge aba aghalala n'Ise, n'amwoleka abantu ni bamumanha.

Yoanne 10:32

Yesu yaabakoba ati: “Mbalaze ebirungi kamaala Lata by'ampa okukola. Ku ebyo kye muli kwenda okunkubira amabaale n'ekiri gha?”

Yoanne 14:12

Bwenebwene ka mbakobere: andhikiriza alikola bye nkola ate alikola n'ebisinga agho, kuba nze ndi kuja ye Lata.

Yoanne 15:15

Tikaabeeta bagheereza, kuba omugheereza tamanha Musengwa we by'akola. Aye mbeeta bakagwa bange, kuba byonabyona bye nawulira okuva ewa Lata wange nabibamanhisa.

Yoanne 17:26

Nabamanhisa eriina lyo era ndidha kwongera okulimanhisa, okugonza kw'ongonza kubabeemu era zeena mbabeemu.”

Yoanne 3:35

Lata w'Omwana amugonza era yata ebintu byonabyona mu buyinza bwe.

Yoanne 5:21

“Nga Lata bw'azuukiza abafu era n'abagha obulamu, mu nsambo n'endala n'Omwana bw'agha obulamu abo b'ayenda okubugha.

Yoanne 5:25

Bwenebwene mbakobera nti: Ekiseera kiri kwidha era n'okutuuka kyatuuka, abafu mwe bawulirira eiroboozi ery'Omwana wa Katonda, era abo abaliwulira bafuna obulamu.

Yoanne 5:29

era ni bavaamu. Abo abaakolanga obulungi balizuukira okufuna obulamu ate abaakolanga obubi balizuukira baasalirwa omusango okubasinga.

2 Petero 1:17

Ku olwo Katonda Lata lwe yamugha ekitiisa n'okusaakibwa, ghaaligho eiroboozi eryamwogeraku nga liva y'oyo ali n'Ekitiisa Ekitaloodheka, nga likoba liti: “Ono ni mutabane wange omugonzi aneesiimisa.”