Yoanne 5:19 - Baibuli Ekibono kya Katonda 2014

¹⁹ Agho Yesu yaabairamu ati: “Ka mbakobere, bwenebwene Omwana tasobola kukola kintu kyonakyona ku lulwe akola ebyo byonka by'abona Lata ng'akola. Kiisi Lata ky'akola n'Omwana ky'akola

Yoanne 5:19 ပူးပေါင်းရင်းမြစ်များ

Amainhama 1:1

Mu kwinhama Katonda yatonda eigulu n'ensi.

Amainhama 1:26

Agho Katonda yaakoba ati: “Tukole abantu mu mboneka yaife nga bafaanana ng'oti niife, bafugenga ebyenhandha, n'enhonhi, n'ensolo enfuge n'edh'omu nsiko, era na kiisi kyeghaluliza ku itaka.”

Zabbuli 138:3

Olunaku lwe nakulirira waidha wambeera, waayongera okundhizaamu amaani.

Zabbuli 27:14

Weesige Musengwa Katonda otawaamu maani, guma omwoyo. Bwenebwene weesige Musengwa Katonda.

Zabbuli 50:6

Eby'omu igulu birangirira nga Katonda bw'ali omutuufu, kuba mwene n'asala omusango.

Okuvaayo 4:11

Agho Musengwa Katonda yaamubuuza ati: “Naani eyata ku muntu omunwa? Era naani asobola okumufuula kasiru oba omusigha oba abona, oba omutulu? Ti ninze, nze Musengwa Katonda?

Ensambo 2:6

Musengwa Katonda n'agha abantu amagezi; era mu by'akoba n'omuva okumanha n'okutegeera.

Isaia 44:24

“Ninze Musengwa Katonda Omununuzi waimwe, eyabatonda ni mbata mu nda dha bainhaimwe. Ninze Musengwa Katonda eyakola ebintu byonabyona, ni mmambagho eigulu zenka, era ni nhandhagho ensi nga ghazira angemeireku naire.

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Matayo 26:39

Yeeyongerayooku katono, yaakuba amakiryaivu yaasaba ng'akoba ati: “Lata oba kisoboka mponia ekikopo kino, ti nga nze bwe nhenda, aye nga iwe bw'oyenda.”

Luka 21:15

Kuba ninze ndibagha engeri ey'okwogera n'amagezi, nga ku bazigu baimwe ghazira aghanga kubitakania waire kubiroba.

Yoanne 10:18

Ezira abuntoolaku, ninze mwene mbughaayo ku lwange. Ndi n'obukumu okubughaayo ate kabiri naaba n'obukumu okubweiriza. Ekyo Lata n'eyandagira okukikola.”

Yoanne 12:49

Kuba tyayogeranga ku bwange aye Lata eyantuma n'eyampa eby'okwogera n'eby'okukoba.

Yoanne 12:50

Era ndidhi ng'ekiragiro kye kino kigha obulamu obutawaagho. Kale ni bye ndhogera mbyogera nga Lata bwe yankoba.”

Yoanne 14:10

Toikiriza nga nze mba mu Lata era ni Lata yaaba mu nze? Ebibono bye mbakoba tibibakoba ku bwange, aye Lata oyo aba mu nze mwene n'akola.

Yoanne 2:19

Yesu yaabakoba ati: “Mumenhegho eisinzizo lino ndidha kulizimba mu nnaku isatu.”

Yoanne 3:3

Yesu yaamwiramu ati: “Ka nkukobere bwenebwene, ezira aghanga kubona Bwakyabazinga bwa Katonda okutoolaku ng'azaaliibwa omukuzi ogwokubiri.”

Yoanne 5:21

“Nga Lata bw'azuukiza abafu era n'abagha obulamu, mu nsambo n'endala n'Omwana bw'agha obulamu abo b'ayenda okubugha.

Yoanne 6:38

Kuba naidha okuva mu igulu ti kukola nze kye nhenda, aye oyo eyantuma ky'ayenda.

Yoanne 8:28

Agho Yesu yaabakoba ati: “Bwe mulighanika Omwana w'Omuntu, olwo lwe mulimanha nga ninze, era nga ghazira kye nkola ku bwange, aye Lata by'andhegeresa bye nkoba.

Yoanne 9:4

Tuteekwa okukola eby'oyo eyantuma nga bukaali musana, kuba obwire buli kwidha nga ghazira aghanga kukola.

Ebikolwa by'Abatume 2:24

Aye oyo Katonda yamuzuukiza yaamutoola mu bulumi obw'okufa, nga tikisoboka oyo kusigala mu maani ga kufa

Ab'e Roma 6:4

Bwe twabatizibwa, twaziikibwa naye era twagabana ku kufa kwe. Kale nga Kurisito bwe yazuukizibwa mu bafu olw'ekitiisa kya Lata, twena tubenga mu bulamu obuyaaka.

Ab'e Roma 8:11

Oba nga Mwoyo wa Katonda eyazuukiza Yesu ali mu imwe, kale oyo eyazuukiza Kurisito Yesu, emibiri gyaimwe egifa gyona aligigha obulamu ku bwa Mwoyo we ali mu imwe.

1 Ab'e Korintho 15:12

Kale oba nga obukwenda bwe tubakobera n'obwo obugema ku Kurisito eyazuukira mu bafu, lwaki abandi ku imwe mukoba muti ezira kuzuukira?

2 Ab'e Korintho 4:14

Twidhi nga Katonda eyazuukiza Musengwa Yesu, twena alituzuukiza ni Yesu, yaatutwala mu maiso ge ghalala n'imwe.

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

Ab'Efeso 2:5

waire twali tufiiriire mu bibi byaife, yatwizaamu obulamu ghalala ni Kurisito. Mwalokolebwa lwa kisa kya Katonda.

Ab'Efeso 3:16

Naamusaba olw'ekitiisa ekyodo, abagumye ng'abagha amaani, mule munda, ng'abita mu Mwoyo we,

Ab'e Filippi 3:21

Ono n'alikyusa emibiri gyaife eminafu era egifa n'agifuula ng'oti n'ogugwe ogw'ekitiisa, ng'akozesa amaani agamusobozesa okuta ebintu byonabyona mu bufuzi bwe.

Ab'e Filippi 4:13

Nsobola okugumira byonabyona olw'amaani Kurisito g'ampa.

Ab'e Kolosai 1:11

Mukalanguke olw'amaani goonagoona agaabagheebwa okuva mu bukumu bwe obw'ekitiisa, mughange okugumira buli kintu n'obuguminkiriza era n'okusagamba.

Ab'e Kolosai 1:16

Mu oyo ebintu byonabyona mwe byatonderwa: Ebiri mu igulu, ebiri mu nsi, ebiboneka, n'ebitaboneka. Ka bibe bityamo bya bakyabazinga oba bakyabazinga beene, oba abaami oba ab'obuyinza ebintu byonabyona byatonderwa mu oyo, era ku lulwe.

1 Ab'e Thessalonika 4:14

Nga bwe twikiriza nga Yesu yafa memale yaazuukira, era tutyo bwe twikiriza nga Katonda aliiza ghalala ni Yesu abo abaafa nga bamwikiriza.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.