Yoanne 5:1 - Baibuli Ekibono kya Katonda 2014

¹ Ebyo olwawa, ghabaagho ekibinuko eky'Abayudaaya, era Yesu yaaniinaniina e Yerusalemu.

Yoanne 5:1 ပူးပေါင်းရင်းမြစ်များ

Okuvaayo 34:23

Kiisi musaadha anaabanga n'okwidha okunsinza nze Musengwa Katonda, Katonda owa Isiraeli, mu bibinuko ebyo eby'emikuzi esatu buli mwaka.

Matayo 3:15

Yesu yaamukoba ati: “Mperaano leka kibe kityo kuba tutyo ife bwe tugwaine okutuukiriza obutuufu bwonabwona.” Agho yaamuganha.

Yoanne 2:13

Ekibinuko eky'Okubitizibwa eky'Abayudaaya nga kiri kumpi okutuuka, Yesu yaaniinaniina e Yerusalemu.

Ab'e Galatia 4:4

Aye ekiseera ekironde bwe kyatuuka, Katonda yaatuma Omwana we mwene. Yaazaalibwa omukazi era yaafugibwa Amateeka,

Amateeka Agokubiri 16:1

Musa yaakoba Abaisiraeli ati: “Mukuzenga omwezi gw'Abibu, nga mukola Ekibinuko eky'Okwidhukiriraku Okubitizibwa. Kuba mu mwezi ogwo, Musengwa Katonda waimwe gwe yabatooleramu e Misiri obwire.

Amateeka Agokubiri 16:16

“Abasaadha boonaboona ab'omu ighanga lyaimwe, baidha kujanga basinze Musengwa Katonda waimwe emikuzi esatu mu mwaka, mu kifo ky'aliba ng'alonzeegho okumusinzizangamu. Baidha kukolerangayo ebibinuko bino: eky'Emigaati Egitazimbulukusiibwa, eky'Amakungula, n'eky'Entindi. Era tibaidhenga mu maiso ga Musengwa Katonda nga bazira kye baleese.