Yoanne 4:53 - Baibuli Ekibono kya Katonda 2014

⁵³ Agho Ise yaamanha nga n'esaawa Yesu ye yamukobereraku ati: “Mutabane wo mulamu.” Oyo n'ab'omu ndhu ye boonaboona baikiriza.

Yoanne 4:53 ပူးပေါင်းရင်းမြစ်များ

Zabbuli 107:20

Yaalagira bulagire baawona, yaabatoola mu maino ga walumbe.

Zabbuli 33:9

kuba yayogera bwogere ensi yaabaagho, yaalagira bulagire buli kintu kyabaagho.

Matayo 8:13

Agho Yesu yaakoba omukulu w'ekikunsu eky'abaisirukale ati: “Ja, kikukolerwe nga bw'oikiriiza.” Era mu saawa yeene eyo, omugheereza yaawona.

Luka 19:9

Yesu yaamukoba ati: “Olwaleero okulokoka kutuuse ku ndhu eno, kuba ono yeena mwidhukulu wa Aburahamu.

Yoanne 4:51

Bwe yali aikirira yaayagaanana n'abagheereza be baamukoba bati: “Mutabane wo mulamu.”

Yoanne 4:52

Yaababuuza esaawa ye yatandiikiraku okuba obukalamu. Baamukoba bati: “Idho ku saawa musanvu edh'omusana, omusuudha ghe gwamulekeire.”

Ebikolwa by'Abatume 11:14

akukobere ebibono ebinaakulokola iwe n'ab'enhumba yo boonaboona.’

Ebikolwa by'Abatume 16:15

Ono n'ab'omu ndhu ye bwe baamala okubatizibwa, yaatusaba ng'akoba ati: “Oba nga muboine nga ndhikiriza Musengwa bwenebwene, mwidhe mube ewange.” Yaatwikirizisa twaja.

Ebikolwa by'Abatume 16:34

Agho yaatwala Paulo ni Sila mu ndhu ye, yaabagha eby'okulya. Yaasangaala ghalala n'ab'omu ndhu ye boonaboona, olw'okuba baikiriza Katonda.

Ebikolwa by'Abatume 18:8

Kurisipo omukulu wa sinagoga n'ab'omu ndhu ye boonaboona baikiriza mu Musengwa. N'ab'e Korintho kamaala bwe baawulira ekibono kya Katonda baikiriza, baabatizibwa.

Ebikolwa by'Abatume 2:39

kuba ekisuubizo kya Katonda kyaimwe n'abaana baimwe, n'abo boonaboona abali eghala, boonaboona Musengwa Katonda waife oyo b'aba ng'ayese.”