Yoanne 4:48 - Baibuli Ekibono kya Katonda 2014

⁴⁸ Yesu yaamukoba ati: “Okutoolaku nga muboine obumanhiso n'ebyewuunhio timughanga kwikiriza.”

Yoanne 4:48 ပူးပေါင်းရင်းမြစ်များ

Danieli 4:2

Kimbonekeire nga kirungi okubakobera ku bumanhiso n'ebyewuunhio, Katonda Ali Ghaigulu Yeene bye yankolera.

Danieli 6:27

Awonia era yaalokola abantu, yaakola obumanhiso n'ebyewuunhio mu igulu ni mu nsi. Era n'awoniiza Danieli okwitibwa empologoma.”

Okubala 14:11

Era Musengwa Katonda yaakoba Musa ati: “Abantu bano balituusa li okuunhooma? Era balituusa li obutaneesiga, waire nga nkoze obumanhiso kamaala nga babona.

Matayo 16:1

Agho Abafarisaayo n'Abasaddukaayo baaseeta aghaali Yesu, nga bamuleba, abaghe akamanhiso akava mu igulu.

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Matayo 27:42

“Yawonianga abandi, mwene taghanga kwewonia! Mbu ni kyabazinga wa Isiraeli, mperaano aike ave ku musalaba, olwo tumwikirize.

Mariko 13:22

kuba ghaliidhagho abeeyeta Kurisito n'abeeyeta abalanzi, baakola obumanhiso n'ebyewuunhio nga benda kuwubania abalondemu bwe kiba kisoboka.

Luka 10:18

Yesu yaabakoba ati: “Nabona Sitaani ng'agwa okuva mu igulu oti lukuba.

Luka 16:31

Aye Aburahamu yaamukoba ati, ‘Oba nga tibawulira Musa n'abalanzi, tibaja kwikiriza omuntu ni bw'alizuukira okuva mu bafu.’ ”

Yoanne 12:37

Waire yali akoze obumanhiso kamaala nga babona, tibaamwikiriza.

Yoanne 15:24

Nguli tyakola byewuunhio nga babona, omuntu owundi by'atakolangaku, nguli bazira kibi. Aye mperaano baabibona, era baatukyagha twembi nze ni Lata wange.

Yoanne 2:18

Agho Abayudaaya baamukoba bati: “Kamanhiso ki k'osobola okukola okutumanhisa ng'oli n'obukumu obukola bino?”

Yoanne 20:29

Yesu yaamukoba ati: “Oikiriiza lwa kuba omboine. Ba nkabi abaikiriza nga tibaboineeku.”

Yoanne 4:49

Omwami yaamukoba ati: “Musengwa, ikirira ng'omwana akaali kunfaaku.”

Ebikolwa by'Abatume 14:3

Eyo baamalayo entangama nga boogera ebya Musengwa nga bagumu. Musengwa yaakakasa bye baayogera ku kisa kye, ng'abakozesa obumanhiso n'ebyewuunhio.

Ebikolwa by'Abatume 15:12

Agho abaali mu lwekobaano boonaboona baasirika baawulirisa Barunaba ni Paulo nga babalomboodhera obumanhiso n'ebyewuninkiriza byonabyona Katonda bye yabakozesa mu bamaghanga agandi.

Ebikolwa by'Abatume 2:19

Ndiraga ebyewuninkiriza eyo ghaigulu mu igulu, n'ebyewuunhio ghansi ku nsi. Ghalibaagho omusaayi, omuliro, n'omwosi ogunioka.

Ebikolwa by'Abatume 2:22

“Imwe abasaadha Abaisiraeli, muwulire ebibono bino: Yesu ow'e Nazarethi, n'omusaadha Katonda ye yakakalisa mu imwe n'eby'amaani, n'ebyewuninkiriza, n'obumanhiso, bye yamukozesanga mu imwe, era nga beene imwe bwe mwidhi.

Ebikolwa by'Abatume 2:43

Abatume baakola ebyewuunhio kamaala n'obumanhiso, era buli muntu yaatya Katonda.

Ebikolwa by'Abatume 4:30

Golola omukono gwo owonie, era obumanhiso n'ebyewuunhio bikolebwe mu liina lya Yesu Omugheereza wo omutukuvu.”

Ebikolwa by'Abatume 5:12

Abatume baakola ebyewuunhio kamaala n'ebyewuninkiriza mu bantu. Boonaboona beesololezanga ku lubalaza olwetebwa olwa Solomoni.

Ebikolwa by'Abatume 6:8

Sitefano ng'aidhwire enkabi n'amaani ga Katonda yaakola ebyewuunhio n'ebyamagero mu bantu.

Ebikolwa by'Abatume 7:36

Yaabakulembera yaaja ng'akola ebyewuunhio n'obumanhiso, e Misiri, mu Nhandha Emyufu, ni mu irungu, okumala emyaka amakumi ana (40).

Ab'e Roma 15:19

mu maani ag'obumanhiso n'ebyewuunhio, ni mu maani aga Mwoyo Mutukuvu. Kale ntyo okuviira irala e Yerusalemu okutuukira irala mu Iluriko, nkobera abantu Amawulire Amalungi aga Kurisito.

1 Ab'e Korintho 1:22

Kuba Abayudaaya benda bumanhiso, ate Abagureki baagala magezi.

2 Ab'e Korintho 12:12

Mu kuguminkiriza okunene einho, obumanhiso kamaala n'ebyewuunhisa ebyoleka nga bwene ndi mutume, byakolebwa mu imwe.

2 Ab'e Thessalonika 2:9

Omubi Isaababi oyo aliidha n'amaani ga Sitaani era alikola obumanhiso n'ebyewuunhio eby'obuguya ebya buli nsambo.

Abaheburayi 2:4

Ni Katonda mwene yeena yaakakasa ebibono byaibwe ng'akola obumanhiso, n'ebyewuunhio, n'ebyewuninkiriza eby'endhawulo, era ng'agaba n'ebirabo bya Mwoyo Mutukuvu nga bwe yayendanga.