Yoanne 4:45 - Baibuli Ekibono kya Katonda 2014

⁴⁵ Bwe yatuuka e Galilaaya, ab'e Galilaaya baamusangaalira engeri ye baali baboine bye yakolera e Yerusalemu ku Kibinuko eky'Okubitizibwa, kuba boona baaliyo ku kibinuko ekyo.

Yoanne 4:45 ပူးပေါင်းရင်းမြစ်များ

Luka 13:1

Mu kiseera ekyo ghaabaagho abaakobera Yesu ku Bagalilaaya, bale Pilato be yatabula omusaayi gwaibwe n'emisengo gyaibwe.

Luka 8:40

Agho Yesu bwe yairayo, abantu kamaala baamusangaalira kuba boonaboona baali bamutegeire.

Luka 9:53

aye tibaamusangaalira kuba yabonekera irala ng'aja Yerusalemu.

Yoanne 2:23

Yesu bwe yali mu Yerusalemu, mu nnaku edh'Ekibinuko eky'Okubitizibwa abantu kamaala baamwikiriza bwe baabona ebyewuunhio bye yakolanga.

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 4:54

Kano n'akaali akamanhiso akokubiri Yesu ke yakola mu Galilaaya ng'amaze okuva mu Buyudaaya.

Amateeka Agokubiri 16:16

“Abasaadha boonaboona ab'omu ighanga lyaimwe, baidha kujanga basinze Musengwa Katonda waimwe emikuzi esatu mu mwaka, mu kifo ky'aliba ng'alonzeegho okumusinzizangamu. Baidha kukolerangayo ebibinuko bino: eky'Emigaati Egitazimbulukusiibwa, eky'Amakungula, n'eky'Entindi. Era tibaidhenga mu maiso ga Musengwa Katonda nga bazira kye baleese.