Yoanne 4:36 - Baibuli Ekibono kya Katonda 2014

³⁶ Akungula, asasulwa, era yaasoloza ebibala by'obulamu obutawaagho. Olwo ni, asimba n'akungula bombi baasagambira ghalala.

Yoanne 4:36 ပူးပေါင်းရင်းမြစ်များ

Ensambo 11:18

Omukozi w'ebibi yeerimba ati katyo anaabifunamu empeera emugasa, aye ate omuntu omutuufu n'afuna empeera yeene egasa.

Ensambo 11:30

Omuntu omutuufu by'akola bireeta obulamu, aye omuntu akola eby'obukambwe azikiriza obulamu.

Danieli 12:3

Abakulembeze abagezi balimesunkana ng'oti n'okumesunkana okw'oku igulu. N'abo abakyusa abantu ni bakola ebituufu balyakaayakana ng'oti muunienie ebyanda n'ebyanda.”

Matayo 19:29

Era yeenayeena aleka enhumba, oba baganda be, oba baanhina, oba ise, oba inhina, oba abaana, oba ebibandha, ku lwange aliirizibwagho emikuzi kikumi, era yaafuna n'obulamu obutawaagho.

Yoanne 3:36

Oyo aikiriza Mwana ali n'obulamu obutawaagho aye aloba okwikiriza Mwana taja kufuna bulamu, era aja kusigala ng'abonerezebwa Katonda.

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Yoanne 5:24

“Bwenebwene mbakobera nti: Kiisi awulira kibono kyange n'aikiriza oyo eyantuma, ali n'obulamu obutawaagho era taja kusalirwa musango, aba amaze okusomoka okuva mu kufa okungira mu bulamu.

Ab'e Roma 1:13

Nhenda mukimanhe aboluganda, ng'emikuzi kamaala nga ntegeka okwidha eyo okubabona, aye ghaabangagho ekindobera. Nhenda okufuna abaikiriza okuva mu imwe nga bwendi n'abaikiriza okuva mu bamaghanga agandi.

Ab'e Roma 2:7

Abo abanoonia ekitiisa, okusaakibwa n'obutafa nga banhiinkiira okukola obukalamu, alibagha obulamu obutawaagho

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

Ab'e Roma 6:23

Empeera y'ekibi kufa, aye ekirabo kya Katonda n'obulamu obutawaagho bwe tufuna mu Kurisito Yesu Musengwa waife.

1 Ab'e Korintho 9:17

Ekyo bwe nkikola olw'okwenda kwange mba ndi n'okugheebwa empeera, aye olw'okuba Katonda yakingemya, nteekwa buteekwe okukikola.

1 Ab'e Korintho 9:18

Kale mpeera ki ye nfuna? N'eno: okukobera abantu Amawulire Amalungi ku bwereere nga tisaba kusasulwa olw'omulimo ogwo.

1 Ab'e Thessalonika 2:19

Kuba eisuubi lyaife, eisanhu lyaife, n'okwesaaka olw'obughanguzi mu maiso ga Musengwa waife Yesu lw'aliira, biri mu ani? Tibiri mu imwe?

1 Timotheo 4:16

Weekuume mu nsambo ye weebisaamu, era ni mu by'oyegeresa, era weekalangulire ku ebyo, kuba bw'okola otyo, olyerokola iwe mwene, era n'abo abakuwulira.