Yoanne 4:20 - Baibuli Ekibono kya Katonda 2014

²⁰ Badhaadha baife baasinzanga Katonda ku lusozi luno aye imwe mukoba muti Yerusalemu n'ekifo ekiteekwa okusinzibwamu.”

Yoanne 4:20 ပူးပေါင်းရင်းမြစ်များ

1 Bakyabazinga 9:3

Yaamukoba ati: “Mpuliire by'onsabye ng'oneeghemba agho mu maiso gange. Ntukwiza eisinzizo lino ly'onzimbiire, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

1 Ebyomubyanda 21:26

Era yaazimbira agho Musengwa Katonda alutaari yaaghaayo ebigheebwayo ebyokebwa n'ebigheebwayo olw'okutabagana. Yaasaba Musengwa Katonda, era Musengwa Katonda oyo yaamwiramu ng'asindika omuliro ku alutaari nga guva mu igulu.

1 Ebyomubyanda 22:1

Kale Daudi yaakoba ati: “Ghano n'aghaidha okubanga eisinzizo lya Musengwa Katonda waife, era ghano n'aghaidha okubanga alutaari Abaisiraeli ye banaagheerangaku ebigheebwayo ebyokebwa.”

2 Ebyomubyanda 6:6

Aye mpegaano nonzeegho Yerusalemu kibe ekifo mwe banansinzizanga, era naataagho iwe Daudi okulemberenga abantu bange Abaisiraeli.’ ”

2 Ebyomubyanda 7:12

Agho Musengwa Katonda yaamubonekera obwire, yaamukoba ati: “Mpuliire by'onsabye, era ndhikiriiza eisinzizo lino libenga ery'okugheerangamu emisengo ye ndi.

2 Ebyomubyanda 7:16

kuba mpegaano ntukwiza eisinzizo lino, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

Zabbuli 132:13

Musengwa Katonda yeerondera Sioni, ng'agho gh'aidha okubanga.

Zabbuli 78:68

aye yaalonda ekika kya Yuda, n'olusozi Sioni lw'agonza einho.

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Luka 9:53

aye tibaamusangaalira kuba yabonekera irala ng'aja Yerusalemu.

Yoanne 4:12

Niiwe osinga dhaadha waife Yakobo eyatugha ensulo eno, ate era mwene ye yanhwangamu n'abaana be, n'ebyayo bye?”

Amateeka Agokubiri 11:29

Kale ni Musengwa Katonda waimwe bw'alibatuusa mu nsi ye muja okutwala, mulirangirira enkabi nga muli ku lusozi Gerizimu, ate mwalangirira ekikolimo nga muli ku lusozi Ebali.

Amateeka Agokubiri 27:12

“Bwe mulimala okusomoka omwiga Yorudani, ab'ebika bino n'abalyemerera ku lusozi Gerizimu okusabira abantu enkabi: ekika ekya Simeoni, n'ekya Levi, n'ekya Yuda, n'ekya Issakari, n'ekya Yosefu, n'ekya Benjamini.