Yoanne 4:14 - Baibuli Ekibono kya Katonda 2014

¹⁴ aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Yoanne 4:14 ပူးပေါင်းရင်းမြစ်များ

Isaia 49:10

Endhala teribalumanga waire endiwo okubagemanga. Empewo ebabula teribafuuwanga waire omusana okubookyanga; kuba oyo abagemerwa ekivunika alibakulembera, yaabatuusa ku nsulo dh'amaadhi.

Isaia 55:1

Musengwa Katonda akoba ati: “Mwidhe mwenamwena abali endiwo, mwidhe aghali amaadhi. N'imwe abazira mpiiya mwidhe, mugule emere mulye. Mwidhe mugule omwenge ogw'emizabbibu n'amata aghazira kusasula naire.

Isaia 58:11

Nze Musengwa Katonda mwene ndibakulemberangamu buli kaakyeire, naabagha ebirungi ebibamala obukalamu era naabaleetera okuba abagumu era ab'amaani. Mulibanga ng'oti n'enimiro ye bafukirira amaadhi, era ng'oti n'ensulo y'amaadhi etakala.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 31:25

Ndiizaamu amaani abo abakooye, era naigusa emere abo boonaboona abaanafugha olw'endhala.

Ezekieli 47:9

Amaadhi ago ag'omu mwiga ogwo, buli ye galikuuluulira eribaayo ebitonde ebiramu kamaala, yaabaayo ebyenhandha kamaala, era buli kintu ekiriba eyo kirifuna obulamu kuba galirongoosa amaadhi ag'omu nhandha gaafuuka malungi.

Abalevi 11:36

Aye ensulo oba ekidiba ekirimu amaadhi, binaasigalanga nga birongoofu, waire ng'ekintu ekindi kyonakyona ekigemye ku bintu byo nga bifiire tikiba kirongoofu.

Matayo 25:46

Ng'olwo bano baja ku kibonerezo ekitawaagho, aye abatuufu nga baja mu bulamu obutawaagho.”

Matayo 5:6

Ba nkabi abalumwa endhala n'endiwo ey'okukola ebituufu, kuba baliigusibwa.

Yoanne 10:10

Omwibi taidhirira kindi okutoolaku okwiba, okwita n'okuzikiriza. Nze naidha dhibe n'obulamu ate nga bwa mwero.

Yoanne 11:26

era kiisi mulamu andhikiriza taja kufa. Bino obiikiriza?”

Yoanne 4:10

Yesu yaamukoba ati: “Nguli oidhi ekirabo Katonda ky'agha, n'omanha n'oyo ali kukusaba amaadhi okunhwa, wandimusabye yaakugha amaadhi agagha obulamu.”

Yoanne 4:11

Omukazi yaamukoba ati: “Musengwa, memale iwe ozira mpendo ate n'ensulo ndeeyi, amaadhi agagha obulamu waaligafunie gha?

Yoanne 4:13

Yesu yaamukoba ati: “Kiisi anhwa ku maadhi gano endiwo eiramu yaamugema,

Yoanne 4:36

Akungula, asasulwa, era yaasoloza ebibala by'obulamu obutawaagho. Olwo ni, asimba n'akungula bombi baasagambira ghalala.

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Yoanne 6:35

Yaabakoba ati: “Ninze omugaati ogugha obulamu, aidha ye ndi endhala terimuluma, era oyo andhikiriza taliwulira ndiwo.

Yoanne 6:58

Guno ni, n'omugaati oguva mu igulu, ti nga badhaadha baimwe gwe baalya ni bafa. Ole alya ku mugaati guno aja kuba mulamu ebyanda n'ebyanda.”

Yoanne 7:37

Ku lunaku lw'ekibinuko olusembayo era olusinga bukologho, Yesu yaayemerera yaayogerera ghaigulu ati: “Kiisi ali endiwo aidhe ye nze anhwe.

Ab'e Roma 5:21

Kale ng'ekibi bwe kyafugira mu kufa, n'ekisa kya Katonda kityo bwe kyafugira mu butuufu, okutuusa ku bulamu obutawaagho, ku lwa Yesu Kurisito Musengwa waife.

Ab'e Roma 6:23

Empeera y'ekibi kufa, aye ekirabo kya Katonda n'obulamu obutawaagho bwe tufuna mu Kurisito Yesu Musengwa waife.

2 Ab'e Korintho 1:22

Yatutaaku akamanhiso ke ng'ababe, era yatugha Mwoyo Mutukuvu mu myoyo gyaife ng'omusingo olw'ebyo by'atuterekera.

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

1 Petero 1:22

Nga bwe mwamala okutukuza emyoyo gyaimwe nga mugondera amazima, ni mugonzania ng'aboluganda, mweyongere okugonzania n'omwoyo oguziramu buguya.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.

Okwolekebwa 7:16

“Tibaliirayo kulumwa ndhala oba ndiwo. Endhuba teribookya waire olwota okubagema.

Okwolekebwa 7:17

Entaama Ento eri ghagati gh'ekityamo ky'obwakyabazinga, enaabalabiriranga ng'omwayi, yaabakulemberamu, okubatuusa ku nsulo edh'amaadhi ag'obulamu. Era Katonda alyeya buli iziga mu maiso gaibwe.”