Yoanne 3:34 - Baibuli Ekibono kya Katonda 2014

³⁴ Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Yoanne 3:34 ပူးပေါင်းရင်းမြစ်များ

2 Bakyabazinga 2:9

Bwe baamala okusomoka, Eliya yaakoba Elisha ati: “Saba kye mbe nkukolere nga bakaali kuntwala kukuvaaku.” Elisha yairamu ati: “Nkusaba onganhe nfune omugabo gwa mikuzi ebiri ogw'omwoyo gwo.”

Zabbuli 45:7

Ogonza ebikolwa ebituufu, waakyagha ebikolwa ebibi. Kyova Katonda, Katonda Oyo owuwo, yakusiiga omuzigo mu isanhu okusinga abantu abandi boonaboona.

Isaia 59:21

Nkoze n'imwe endagaano, era mbaghaire obuyinza bwange n'endhegeresa yange, bibenga byaimwe buliidho. Era okuva ni mpegaano mwidha kungonderanga era mwegeresenga abaana baimwe okumpuliranga ebyanda n'ebyanda.”

Abalevi 7:35

Ogwo n'omugabo ogutoolebwa ku by'okulya ebigheebwayo eri Musengwa Katonda ebyokebwa, ogwagheebwa Aaroni ni batabane be ku lunaku lwe baasiigibwa omuzigo, ni baawulibwa okugheereza Musengwa Katonda nga bakabona.

Okubala 11:25

Agho Musengwa Katonda yaikira mu kire yaayogera ni Musa, era yaatoola ku mwoyo ogwali ku Musa yaaguta ku bantu abo. Era omwoyo ogwo bwe gwabaidhaku baayogera eby'obulanzi. Aye baakoma ku olwo, tibaakikola mukuzi gundi.

Matayo 12:18

“Ono n'omugheereza wange ye nalonda omugonzi, omwoyo gwange mwe gusagambira. Ndidha kumutaamu Mwoyo wange, akobere amaghanga eby'amazima.

Luka 4:18

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,

Yoanne 1:16

Olw'ekisa kye ekitawa, twenatwena atugha emikisa gye emikuzi kamaala.

Yoanne 15:26

“Aye Omubeezi bw'aliidha ye ndibatumira okuva eri Lata, Mwoyo ow'amazima ava mu Lata, oyo alindhulira.

Yoanne 16:7

Aye mbakobera amazima: niimwe abaganhulwa bwe nja kuba bwe ntaja Omubeezi taliidha ye muli aye bwe ndija ndimubagheereza.

Yoanne 3:17

Katonda tiyatuma Mwana we mu nsi kusalira bantu musango, aye abantu babite mu oyo okulokolwa.

Yoanne 5:26

“Kuba nga Lata mwene bw'ali n'obulamu, mu nsambo n'endala n'Omwana yamugha abe n'obulamu.

Yoanne 7:16

Yesu yaabairamu ati: “Bye ndhegeresa ti byange aye by'oyo eyantuma.

Yoanne 8:40

Nze mbakobera ebituufu bye nawulira okuva eri Katonda. Aye mperaano musala magezi ga kundhita. Aburahamu takolangaku kintu ng'oti n'ekyo!

Yoanne 8:47

Ole bw'aba omuntu wa Katonda awulira ebibono bya Katonda, aye imwe timuwulira, kuba timuli bantu ba Katonda.”

Ebikolwa by'Abatume 1:2

okutuusa ku lunaku lwe yatwalibwa mu igulu, ng'amaze okugha Abatume be yali alonze ebiragiro ku bwa Mwoyo Mutukuvu.

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ab'e Roma 8:2

Eiteeka lya Mwoyo eritugha ife obulamu abali mu Kurisito Yesu, lyamponia eiteeka ery'ekibi era n'okufa.

Ab'Efeso 3:8

Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.

Ab'e Kolosai 1:19

Kuba Katonda mwene yasiima mu kwenda kwe Obwakatonda bwe bube mu oyo mu bwidhuvu,

Ab'e Kolosai 2:9

Kuba mu Kurisito n'omuli Obwakatonda bwonabwona mu buntu,

Okwolekebwa 21:6

Era yankoba ati: “Biwoire! Ninze Alufa ni Omega, entoolo n'enkomerero. Kiisi ali ndiwo ndimugha yaanhwera ku bwereere ku nsulo ey'amaadhi ag'obulamu.

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.