Yoanne 3:27 - Baibuli Ekibono kya Katonda 2014

²⁷ Yoanne yaabairamu ati: “Ezira afuna kitone kyonakyona nga tikiviire mu igulu.

Yoanne 3:27 ပူးပေါင်းရင်းမြစ်များ

Yeremia 1:5

“Nakulonda nga nkaali na kukuwumba mu nda ya inhoko. Era wali okaali kuzaalibwa naakutukuza naakulonda obe mulanzi eri amaghanga.”

Yeremia 17:16

Aye nze tikupikirizangaku iwe obasindikire akabi koonakoona, era tibendezangaku batuuke ku buzibu. Ekyo iwe Musengwa Katonda okiidhi bukalamu. Bye nayogera byonabyona obiidhi.

Amosi 7:15

Eyo Musengwa Katonda ye yantoola ku gw'okwaya ensolo, yankoba ati, ‘Ja olange eri abantu bange Abaisiraeli.’

Okubala 17:5

Omwigo ogw'omuntu ye nnaalonda gwidha kusibuka. Mu nsambo eyo ndidha kulekeza Abaisiraeli okukwemuluguunhizanga.”

Matayo 21:25

Okubatiza kwa Yoanne kwava gha? Kwava mu igulu oba mu bantu?” Agho beebuuzagania nga bakoba bati: “Bwe tukoba tuti, ‘Kwava mu igulu,’ aidha kutukoba ati, ‘Memale lwaki timwamwikiriza?’

Matayo 25:15

Mulala yamugha talanta itaanu, owundi ibiri, n'owundi ndala, ng'ajiira ku busobozi bwaibwe, yaaja.

Mariko 13:34

“Kiri ng'omuntu avaagho n'aja eghala, n'aleka amaka ge ng'aghaire abagheereza be obuyinza ate n'emirimo emyawufu buli mugheereza. Era oyo ali ku mulyango n'amulagira okukuumanga.

Yoanne 10:41

Abantu kamaala baidha y'ali era baakoba bati: “Yoanne tiyakola kyewuunhio kyonakyona aye byonabyona bye yakoba ku musaadha ono byali bituufu.”

Yoanne 6:65

Era yaakoba ati: “Kye nava ni mbakoba nti ghazira muntu aghanga kwidha ye ndi okutoolaku nga Lata akimughaire.”

Ab'e Roma 1:5

Ku lw'oyo, Katonda yampa omukisa ogw'okuba omutume olwa Kurisito. Nsobole okutuusa abantu abamaghanga goonagoona ku kwikiriza ni ku kuba abagonvu,

Ab'e Roma 12:6

Kale nga bwe tuli n'ebirabo eby'endhawulo olw'ekisa kya Katonda, tubikozesenga. Oba twagheebwa kya bulanzi, tukoberenga abantu ekibono kya Katonda ng'okwikiriza kwaife bwe kuli.

1 Ab'e Korintho 1:1

Ninze Paulo, eyayetebwa olw'okwenda kwa Katonda, okuba omutume wa Kurisito Yesu, n'owoluganda Sosithene.

1 Ab'e Korintho 12:11

Aye akola bino byonabyona, ni Mwoyo omulala ati era n'agha buli muntu ekikye nga Mwoyo mwene bw'aba ng'ayenze.

1 Ab'e Korintho 15:10

Aye olw'ekisa kya Katonda, kye nva ni mba nga bwendi buti. Era ekisa ekyo tikyafa busa. Nakola inho okusinga abatume abandi, waire nga mu butuufu ti ninze eyali akola, aye ekisa kya Katonda nga n'ekikolera mu nze.

1 Ab'e Korintho 3:5

Kuba bwenebwene Apollo naani? Era Paulo naani? Tuli bagheereza bugheereza ba Katonda, be yakozesa okutuusa imwe ku kwikiriza. Buli muntu ku ife akola omulimo Katonda gwe yamugha okukola.

1 Ab'e Korintho 4:7

Naani eyakufuula ow'ekitiisa okusinga abandi? Katonda ti n'eyakugha byonabyona by'oli nabyo? Kale byonabyona by'oli nabyo bwe biri birabo bulabo, ozira nsonga lwaki weesuuta.

Ab'e Galatia 1:1

Ninze Paulo omutume, obutume buno tibwampeebwa muntu waire okubisibwa mu muntu, aye bwampeebwa Yesu Kurisito mwene, ni Katonda Lata waife eyamuzuukiza.

Ab'Efeso 1:1

Ninze Paulo omutume wa Kurisito Yesu eyafuuka omutume olw'okwenda kwa Katonda. Mpandiikira abatuukirivu boonaboona abali mu Efeso, abaikiriza mu Kurisito Yesu.

1 Timotheo 2:7

Era ekyo n'ekyanteesaagho mbe omutume era omwegeresa ow'abamaghanga agandi, mbakobere eby'okwikiriza n'eby'amazima. Ndi kwogera mazima, tiri kuguya.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.