Yoanne 3:2 - Baibuli Ekibono kya Katonda 2014

² Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 3:2 ပူးပေါင်းရင်းမြစ်များ

1 Bakyabazinga 17:24

Agho omukazi yaakoba Eliya ati: “Mpegaano mmanhiire irala ng'oli muntu wa Katonda, era nga bwenebwene Musengwa Katonda ky'ayogera ng'abita mu iwe kiba kya mazima.”

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Yeremia 38:16

Kyabazinga Zedekia oyo yandayirira mu kaama ati: “Nga Musengwa Katonda bw'ali omulamu, Katonda oyo eyatugha obulamu, tiidha kukwita waire okukughaayo y'abo abenda okukwita.”

Matayo 22:16

Baamutumira abeegeresebwa baibwe, ni baine ba Herode, baakoba bati: “Mwegeresa twidhi oli wa mazima era oyegeresa mu mazima engira ya Katonda, ozira ye weeguya, kuba tojiira ku mboneka ya bantu.

Matayo 23:7

okulamusibwa mu biya, n'abantu okubeeta bati, ‘Mwegeresa.’

Matayo 23:8

“Aye imwe batabeetanga bati, ‘Mwegeresa,’ kuba muli n'omwegeresa mulala ate mwenamwena muli baluganda.

Mariko 12:14

Bwe baatuuka baamukoba bati: “Mwegeresa, twidhi oli wa mazima era mpaagho ye weeguya. Mu nkola yo tojiira ku mboneka ya muntu, aye oyegeresa mu mazima engira ya Katonda. Kale ni tukobere, kiikirizibwa okugha Kaisari omusolo oba bbe? Tugughenga oba tutagughanga?”

Yoanne 1:38

Yesu yaakyuka yaababona nga bali kumunonereza yaababuuza ati: “Muli kwagala ki?” Baamwiramu bati: “Rabbi”, amakulu gaakyo nti Mwegeresa, “otenduka gha?”

Yoanne 10:38

Aye oba nga n'ebyo, ni bwemutandhikiriza nze kasinga mwikirize bye nkola, memale mumanhe era mutegeere nga Lata ali mu nze era zeena ndi mu Lata.”

Yoanne 12:37

Waire yali akoze obumanhiso kamaala nga babona, tibaamwikiriza.

Yoanne 14:10

Toikiriza nga nze mba mu Lata era ni Lata yaaba mu nze? Ebibono bye mbakoba tibibakoba ku bwange, aye Lata oyo aba mu nze mwene n'akola.

Yoanne 15:24

Nguli tyakola byewuunhio nga babona, omuntu owundi by'atakolangaku, nguli bazira kibi. Aye mperaano baabibona, era baatukyagha twembi nze ni Lata wange.

Yoanne 2:11

Yesu yakolera ekyewuunhio kino ekisooka e Kana mu Galilaaya. Atyo yaayoleka ekitiisa kye era Abeegeresebwa be baamwikiriza.

Yoanne 20:16

Yesu yaamukoba ati: “Maria.” Agho Maria yaagaluka yaamukoba mu Luheburayi ati: “Rabboni,” ekitegeeza, “Omwegeresa!”

Yoanne 3:26

Baidha baakoba Yoanne bati: “Omwegeresa, ole ye wayogeraku, ye mwali naye eruuyi ere ng'osomoike Yorudani, yeena ali eyo abatiza era abantu boonaboona bali kuja y'ali!”

Yoanne 4:31

Mu kiseera n'ekirala ekyo Abeegeresebwa be baali bali kumweghemba bati: “Mwegeresa, lya ku mere!”

Yoanne 5:36

“Aye nze ndi n'obudhulizi obusinga n'obwa Yoanne bw'agha kuba ebintu bye nkola, Lata n'eyabimpa okubikola era bindhulira nga Lata n'eyantuma.

Yoanne 6:2

Eikuukuubira ly'abantu lyamunonereza kuba baali bamaze okubona obumanhiso bwe yakola ku balwaire.

Yoanne 7:31

Abantu kamaala mu baali agho baamwikiriza baakoba bati: “Kurisito bw'aliidha, alikola ebyewuunhio kamaala okusinga omusaadha ono by'akoze?”

Yoanne 9:16

Abafarisaayo abandi baakoba bati: “Omusaadha oyo ti wa Katonda, kuba tagondera mateeka ga Sabbato.” Aye abandi baakoba bati: “Omuntu omukozi ow'ebibi aghanga atya okukola ebyewuunhio oti ni bino?”

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 2:22

“Imwe abasaadha Abaisiraeli, muwulire ebibono bino: Yesu ow'e Nazarethi, n'omusaadha Katonda ye yakakalisa mu imwe n'eby'amaani, n'ebyewuninkiriza, n'obumanhiso, bye yamukozesanga mu imwe, era nga beene imwe bwe mwidhi.

Ab'e Filippi 1:14

Era aboluganda kamaala bongeire okwekakasa mu Katonda olw'okusibwa kwange, era beeyongera okuguma okwogera ekibono kya Musengwa nga tibatya.

Abalamuzi 6:27

Kale Gideoni yaatwala abasaadha ikumi ku bagheereza be, yaakola nga Musengwa Katonda bwe yamulagira. Aye olw'okutya ab'endhu ya ise n'ab'omu kibuga, tiyaghanga kukikola musana, yaakikola bwire.