Yoanne 3:10 - Baibuli Ekibono kya Katonda 2014

¹⁰ Yesu yaamwiramu ati: “Waaba mwegeresa mukulu mu Isiraeli waaloba kumanha ekyo?

Yoanne 3:10 ပူးပေါင်းရင်းမြစ်များ

1 Ebyomubyanda 29:19

Nkweghemba oghe mutabane wange Solomoni omwoyo ogw'okwegheerayo irala okugema amateeka go ni by'olagira byonabyona, n'okuzimba eisinzizo, lye nteereiregho ebintu ebyo.”

Zabbuli 51:10

Katonda wange, ntonderaamu omwoyo omulungi, ondhizeemu omwoyo ogukuwulira buli kiseera.

Zabbuli 51:6

Iwe oyenda okumanha amazima agali mu muntu, kale ni ndidhuza amagezi mu mwoyo gwange.

Zabbuli 73:1

Bwenebwene Katonda mulungi eri Abaisiraeli, n'eri abo abamuwulira n'omwoyo omulala.

Isaia 56:10

Abakulembeze b'abantu bange bali ng'oti batulu beene. Tibakaalimu magezi, bali ng'oti n'embwa edhitaboigola. Baba mu kuwongera, na mu kutenduka ndoolo, na mu kuloota.

Isaia 9:16

Abakulembeze ab'abantu bano babakiidhamya bukiidhamye, era baabaleetera okudaaliimira irala.

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Ezekieli 11:19

Ndibagha omwoyo omuyaaka n'endowooza empyaka. Naabatoolamu omwoyo omukalangafu oguli ng'oti ibaale, naabataamu omwoyo omugonvu omuwulize.

Matayo 11:25

Mu kiseera ekyo Yesu yaakoba ati: “Lata nkusaaka, Musengwa ow'eigulu n'ensi, kuba bino wabigisa abagezi n'abamanhi, waabimanhisa abato.

Matayo 15:14

Mubaleke abo abatulu abakulemberamu batulu banaibwe ate nga omutulu bw'akulemberamu mutulu mwine, bombi bagwa mu kiina.”

Matayo 22:29

Yesu yaabairamu ati: “Mughaba inho olw'obutamanha Byaghandiikibwa, waire okumanha amaani ga Katonda

Luka 2:46

Nga ghabiseegho enaku isatu, baamwagaana mu isinzizo ng'atyaime ghagati mu beegeresa ng'abawulirisa, ate nga bw'ababuuza ebibuuzo.

Luka 5:17

Lwali lulala, Yesu yali ayegeresa, era ng'ali n'amaani ga Musengwa ag'okuwonia. Abafarisaayo n'Abanamateeka abaali baviire mu buli kyalo: abaava e Galilaaya, mu Buyudaaya, ni mu Yerusalemu nga batyaime agho.

Yoanne 3:9

Nikodemo yaamukoba ati: “Ebyo bighanga bitya okubaagho?”

Ebikolwa by'Abatume 5:34

Aye ghaabaagho Omufarisaayo ku lwekobaano ayetebwa Gamalieli. Ono yali Mwegeresa wa Mateeka nga musaadha wa kitiisa mu bantu boonaboona.

Ab'e Roma 2:28

Kuba Omuyudaaya mwene era omukekete naani? Ti n'oyo abonekera ku by'oku ngulu ng'akeketebwa mu mubiri.

Amateeka Agokubiri 10:16

Kale ni mubenga bawulize y'ali, mulekere agho okubanga n'empwitu,

Amateeka Agokubiri 30:6

Musengwa Katonda waimwe alireetera emyoyo gyaimwe n'egya baidhukulu baimwe abaliiragho okuba emigonvu, mwamugonza n'omutima gwaimwe gwonagwona era n'omwoyo gwaimwe gwonagwona, memale mwaba abalamu.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

Ab'e Kolosai 2:11

Era mu Kurisito oyo mwakeketebwa, ti n'okukeketebwa kuno okukolebwa abantu, aye n'okukeketebwa kwa Kurisito okuleetera omuntu okuva mu kufugibwa ekibi.