Yoanne 21:18 - Baibuli Ekibono kya Katonda 2014

¹⁸ Bwenebwene ka nkukobere: bwe wali omwisuka, weesibanga waaja ye wayendanga aye bw'olikairigha olighanika amakono go, owundi yaakusiba yaakutwala y'otayenda.”

Yoanne 21:18 ပူးပေါင်းရင်းမြစ်များ

Luka 12:37

Abagheereza abo nga ba nkabi, abo musengwa waibwe b'aliira n'ayagaana nga beetegefu. Bwenebwene ka mbakobere: Alyesiba, yaabatyamya ku kiiwulo, yaabita ng'abagheereza.

Yoanne 13:36

Simoni Petero yaamubuuza ati: “Musengwa olaga gha?” Yesu yaamwiramu ati: “Mperaano toghanga kuunonereza ye ndaga, aye oidha kuunonereza ye bwidha.”

Yoanne 21:17

Kabiri Yesu yaamubuuza omukuzi ogwokusatu ati: “Simoni mutabane wa Yoanne, ongonza?” Petero yaanakughala olwa Yesu okumubuuza omukuzi ogwokusatu ati: “Ongonza?” Era yaamukoba ati: “Musengwa, oidhi byonabyona, oidhi nga nkugonza.” Yesu yaamukoba ati: “Liisanga entaama dhange.

Yoanne 21:19

Yayogera atyo okwoleka okufa kw'alifa n'ayolesa ekitiisa kya Katonda. Bwe yamala okwogera ebyo, yaamukoba ati: “Nnonereza.”

Ebikolwa by'Abatume 21:11

Yaidha ye tuli, yaatoola olukoba lwa Paulo yaalwesiba amagulu n'amakono yaakoba ati: “Mwoyo Mutukuvu akoba ati, batyo Abayudaaya abali mu Yerusalemu bwe balisiba mwene lukoba luno ni bamughaayo y'abamaghanga agandi.”

2 Ab'e Korintho 5:4

Bwe tuba nga tukaali mu ntindi eno ey'oku nsi tusinda olw'okuzitooghererwa, ti lwa kuba nga twenda okwetoolaku omubiri guno, aye lwa kuba twenda okuvaazibwa omubiri ogw'omu igulu, olwo omubiri ogutafa gumire ogufa.