Yoanne 21:12 - Baibuli Ekibono kya Katonda 2014

¹² Yesu yaabakoba ati: “Mwidhe mulye.” Ghazira ku Beegeresebwa yakana kumubuuza ati: “Niiwe ani?” Kuba baamanha nga ni Musengwa.

Yoanne 21:12 ပူးပေါင်းရင်းမြစ်များ

Matayo 22:46

Tighaaba amwiramu kibono, era okuva ku olwo tighaaba akana kwongera kumubuuza.

Mariko 9:32

Aye ekibono kye yali abakoba tibaakitegeera, ate baatya okumubuuza.

Luka 9:45

Aye kino tibaakitegeera kuba kyabakwekebwa baaloba kukimanha, ate baatya okumubuuza ku kibono ekyo.

Yoanne 16:19

Yesu yaategeera nga bali kwenda kumubuuza, yaabakoba ati: “Muli kwenda kumanha kino kye mbakobye nti, ‘Mu ntangama ntono muliba nga timukambona, ate kabiri nti, mu ntangama ntono mulimbona?’

Yoanne 21:11

Simoni Petero yaaja yaaghaluliza akatimba ku bukalu nga kaidhwire ebyenhandha ebibba kikumi n'ataanu na bisatu (153), aye waire byali kamaala bityo akatimba tikaakanuka.

Yoanne 21:15

Bwe baamala okulya, Yesu yaakoba Simoni Petero ati: “Simoni mutabane wa Yoanne, ongonza okusinga bano?” Petero yaamwiramu ati: “Yii, Musengwa oidhi nga bwe nkugonza.” Yesu yaamukoba ati: “Liisanga entaama dhange ento.”

Yoanne 4:27

Mangu ago Abeegeresebwa be ghe bairira era beewuunhia inho okumubona ng'ali kwogera n'omukazi. Aye ghazira yabuuza mukazi ati: “Oyenda ki?” Oba eyabuuza Yesu ati: “Lwaki oli kwogera n'omukazi?”

Ebikolwa by'Abatume 10:41

Tiyeeyolekera bantu boonaboona okutoolaku ife Katonda be yali amaze okulonda okukikakasa. Niife otwalya era ni tunhwa naye nga amaze okuzuukira mu bafu.