Yoanne 20:22 - Baibuli Ekibono kya Katonda 2014

²² Bwe yamala okubakoba ekyo yaabafuuwaku omuuka yaabakoba ati: “Mufune Mwoyo Mutukuvu.

Yoanne 20:22 ပူးပေါင်းရင်းမြစ်များ

Amainhama 2:7

Agho Musengwa Katonda yaawumba omuntu mu itaka, yaamufuuwa mu nhindo omuuka ogw'obulamu olwo omuntu yaatoolera okuba omulamu.

Yobu 33:4

Omwoyo gwa Katonda n'ogwantonda, omuuka ogw'oyo Aghanga Ebintu Byonabyona n'ogwampa obulamu.

Zabbuli 33:6

Musengwa Katonda yalagira eigulu lyakolebwa; ebiririmu byonabyona byakolebwa olw'ekibono kye.

Ezekieli 37:9

Agho Musengwa Katonda yankoba ati: “Iwe omuntu, langa okobe omuuka oti nze Musengwa Katonda ndi kugulagira guve ku ndhuyi dhoonadhoona, gwidhe gufuuwe ku mirambo gy'abantu bano abaitibwa, bairemu okuba abalamu.”

Yoanne 14:16

Zeena ndisaba Lata, era alibagha Omubeezi owundi atalibavaaku ebyanda n'ebyanda.

Yoanne 15:26

“Aye Omubeezi bw'aliidha ye ndibatumira okuva eri Lata, Mwoyo ow'amazima ava mu Lata, oyo alindhulira.

Yoanne 16:7

Aye mbakobera amazima: niimwe abaganhulwa bwe nja kuba bwe ntaja Omubeezi taliidha ye muli aye bwe ndija ndimubagheereza.

Yoanne 20:21

Kabiri Yesu yaabakoba ati: “Emiraala gibe n'imwe. Nga Lata bwe yantuma zeena mbatuma.”

Yoanne 20:23

Kiisi ye munaasonighanga, ebibi bye nga bisoniyiibwa. Ate kiisi ye munaalobanga okusonigha, ebibi bye nga tibisoniyiibwa.”

Yoanne 7:39

Agho Yesu yali ali kwogera ku Mwoyo abamwikiriza ye baali baja okufuna kuba mu kiseera ekyo Mwoyo yali akaali kugabibwa olw'okuba Yesu yali akaali kutuuka mu kitiisa kya Ise.

Ebikolwa by'Abatume 10:47

“Abantu bano bafunie Mwoyo Mutukuvu nga ife bwe twamufuna. Naani asobola okubalobera okubatizibwa n'amaadhi?”

Ebikolwa by'Abatume 19:2

yaababuuza ati: “Mwafuna Mwoyo Mutukuvu bwe mwaikiriza?” Baamwiramu bati: “Tituwuliranga naku tuti eriyo Mwoyo Mutukuvu.”

Ebikolwa by'Abatume 2:38

Petero yaabakoba ati: “Mwenenie, buli muntu abatizibwe mu liina lya Yesu Kurisito, ebibi byaimwe bisoniyibwe, era mwidha kufuna ekirabo kya Mwoyo Mutukuvu

Ebikolwa by'Abatume 2:4

era boonaboona baidhula Mwoyo Mutukuvu baatoolera okwogera mu nnimi edhindi, nga Mwoyo bwe yabaghanga okwogera.

Ebikolwa by'Abatume 4:8

Agho Petero ng'aidhwire Mwoyo Mutukuvu yaabairamu ati: “Imwe abafuzi ab'eighanga n'abakulu ab'ebika,

Ebikolwa by'Abatume 8:15

Bwe baatuukayo, baabasabira bafune Mwoyo Mutukuvu

Ab'e Galatia 3:2

Ka mbabuuzeeku kino kyonka: Mwafuna Mwoyo lwa kukola ng'Amateeka bwe galagira oba lwa kuwulira nakwikiriza bya Yesu?