Yoanne 20:20 - Baibuli Ekibono kya Katonda 2014

²⁰ Bwe yamala okubakoba atyo yaabooleka obwala bwe n'embavu dhe. Abeegeresebwa be baasangaala bwe baabona Musengwa.

Yoanne 20:20 ပူးပေါင်းရင်းမြစ်များ

Matayo 28:8

Baafuluma mangu mu magombe nga batya, ate n'eisanhu lingi baalumuka okukobera Abeegeresebwa be.

Yoanne 16:20

Bwenebwene ka mbakobere, mulirira, mwagegenga, aye ensi erisagamba; muliwulira enaku, aye enaku yaimwe erifuuka eisanhu.

Yoanne 16:22

Mperaano mwena muwulira, enaku aye ndidha kabiri kubabona era emyoyo gyaimwe gisagambe. Era okusagamba okwo ghazira muntu yeenayeena alikubatoolaku.

Yoanne 19:34

Aye omwisirukale owundi yaatoola eifumo yaalifumita Yesu mu mbavu, era olwamufumita ati ghaavaagho omusaayi n'amaadhi.

Yoanne 20:25

Kale baine baamukobera bati: “Tuboine Musengwa.” Aye yaabairamu ati: “Okutoolaku nga mboine ku nkovu mu bwala bwe mwe baafumita emisumaali, era ni ntaaku olwala lwange mu nkovu omwo, era ni ntaaku omukono gwange mu mbavu dhe, tighanga era tija kwikiriza naire.”

Yoanne 20:27

Agho yaakoba Thomasi ati: “Ta ghano olwala lwo, era obone engalo dhange ogemeku ghano, era leeta omukono gwo ogute mu mbavu dhange. Leka kuba ataikiriza, aye ikiriza.”

1 Yoanne 1:1

Tubaghandiikira okubakobera ku oyo eyaligho okuviira irala ku kwinhama. Kibono ow'obulamu twamuwulira, twamubona n'amaiso gaife, twamulingirira, twamugemaku n'obwala bwaife.